კატალონიის "ბარსელონას" ნახევარმცველის, იბრაჰიმ აფელაის აგენტმა რობ იანსენმა განაცხადა, რომ მისი კლიენტი იჯარით ერთ სეზონს გაატარებს."იბრაჰიმს ყველაფერი აქვს, რომ "ბარსელონაში" გაბრწყინდეს, თუმცა ტრავმამ მისი პროგრესი შეაჩერა. ამიტომ გვინდა, რომ მას მეტი სათამაშო დრო სხვა გუნდში მიეცეს.
ამ დროისთვის ვეძებთ კლუბს, რომელშიც აფელაი ბოლომდე გამოავლენს საკუთარ შესაძლებლობებს.
ვფიქრობ, ეს უფრო იჯარა იქნება. ყველაფერი "ბარსელონაზეა" დამოკიდებული. რამდენიმე კონკრეტული წინადადება მივიღეთ. ამ ეტაპზე მხოლოდ მოლაპარაკებები მიმდინარეობს", - თქვა იანსენმა.
მომზადებულია Studio Voetbal-ის მიხედვით
