მადრიდის "რეალის" ნახევარმცველი ჩაბი ალონსო მიიჩნევს, რომ პორტუგალიელმა სპეციალისტმა ჟოზე მოურინიომ თავისი სახელი საკუთარი მიღწევებით ფეხბურთის ისტორიაში უკვე ჩაწერა."ჟოზე მოურინიო არა მარტო უკვე შევიდა ისტორიაში, არამედ ამის გაკეთებას ახლაც აგრძელებს. ვფიქრობ, მისი მიღწევების სია ამაზე თავისთავად მეტყველებს. ძალიან ცოტა მწვრთნელს თუ მიუღწევია იმისათვის, რასაც მან მიაღწია.
თუ მოურინიო "რეალის" დატოვებას გადაწყვეტს, ეს გუნდზე სასიკეთოდ არ აისახება. მისი შეცვლა ძალიან რთულია.
ჩემი ცხოვრება მადრიდში? აქ თავს ძალიან კარგად ვგრძნობ. უკვე როგორც ფეხბურთელმა, სიმწიფის გარკვეულ სტადიას მივაღწიე და ჩემი მომავლის შესახებ
რაც შეეხება მიმდინარე სეზონში ჩვენს გეგმებს, ვეცდებით, პრიმერა მოვიგოთ და ჩემპიონთა ლიგაში გავიმარჯვოთ. მესმის, რომ ეს ძალიან რთული იქნება, რადგან ერთმა ცუდმა თამაშმა შესაძლოა ყველაფერს ხაზი გადაუსვას", - განაცხადა ჩაბი ალონსომ.
