მალაგამ ბაბელი დაიბევა
ესპანური "მალაგა" მზადაა სატრანსფერო სეზონის გახსნისთანავე "ლივერპულიდან" იჯარით მათი ჰოლანდიელი შემტევი რაიან ბაბელი აიყვანოს. 23 წლის ფეხბურთელი ინგლისური კლუბის შემადგენლობაში ვერ ხვდება, მიუხედავად იმისა რომ "ლივერპული" ღრმა კრიზისშია, "მალაგამ" კი ესპანური სეზონი ურიგოდ არ დაიწყო. ანდალუსიური კლუბი შემადგენლობის გაძლიერებას გეგმავს და ბაბელი მათი გეგმის ნაწილი. ესპანელები ელიან, როდის გაირკვევა "ლივერპულის" მფლობელის ვინაობა და შემდეგ ინგლისურ კლუბს სარფიან წინადადებას შესთავაზებენ.
ხოაკინი ორ კვირას დაისვენებს
"ვალენსიას" ვეტერანი ვინგერი ხოაკინ სანჩესი "კამპ ნოუზე" ტურის ცენტრალურ მატჩს გამოტოვებს "ბარსელონას" წინააღმდეგ. ხოაკინს კოჭი
პედრო ლეონი: მოურინიოსთან კონფლიქტი არ მაქვს
მადრიდის "რეალის" ახალწვეულმა პედრო ლეონმა უარყო, თითქოს, მას პრობლემები ჰქონდეს "სამეფო კლუბის" თავკაც ჟოზე მოურინიოსთან. მოურინიოსა და პედრო ლეონის გზები მას შემდეგ გაიყარა, რაც, როგორც ესპანური მედია იუწყება, ვინგერმა "ლევანტესთან" შეხვედრაში პორტუგალიელი სპეციალისტების მითითებები არ შეასრულა. შედეგად, მოურინიომ ჩემპიონთა ლიგის მატჩისთვის ("ოსერთან") პედრო ლეონი მატჩის განაცხადშიც კი არ შეიყვანა.
"მოურინიო გუნდის თავკაცია და კარგადაც უძღვება "რეალს". ჩვენს შორის გაუგებრობაც კი არ არსებობს. მართალია, "ლევანტესთან" მატჩში მწვრთნელი დავაღალატე, მაგრამ ამისთვის დავისაჯე კიდეც და ახლა ეს უკვე წარსულია. ვიცი, რომ მწვრთნელი მენდობა და მეც დიდი ენთუზიაზმით ვშრომობ", - განაცხადა "დიარიო AS-თან" ინტერვიუში "ხეტაფეს" ყოფილმა ლიდერმა.
დაგვიბრუნეთ ჩვენი სალვიო
მადრიდის "ატლეტიკომ", შესაძლოა, "ბენფიკაში" განათხოვრებული არგენტინელი ფორვარდი ედუარდო სალვიო უკან გამოიწვიოს. პორტუგალიელებმა 20 წლის სალვიო დიდი ზარ-ზეიმით გადაიყვანეს, არგენტინელსაც უხაროდა, რადგან ეგონა სათამაშო დრო შეუზღუდავად ექნებოდა, მაგრამ სალვიომ ჯამში სულ 107 წუთი ითამაშა "ბენფიკას" მაისურით. ას-იუწყება, რომ თუკი სიტუაცია არ შეიცვლება, სალვიოს იჯარას კლუბი დაარღვევს და მას "ვისენტე კალდერონზე" დააბრუნებს. და ამით სალვიოს რა? არაევროკავშირელთა ლიმიტის გამო მას ნაკლები შანსი აქვს შემადგენლობაში მოხვედრის, თუმცა არის ერთი გამოსავალიც. სულ მალე სერხიო აგუერო და დიეგო გოდინმა შეიძლება ესპანეთის მოქალაქეობა მიიღონ და სალვიოსთვის ადგილი გამოთავისუფლდება.
ყოველდღიური სპორტული გაზეთი
"ლელო"
