მადრიდის "რეალის" მცველმა პეპემ განაცხადა, რომ საკუთარ თავს უხეშ ფეხბურთელად არ თვლის."არა მხოლოდ "ლევანტესთან" შეხვედრაში, არამედ სხვა ბევრ მატჩშიც, რაც 70 პროცენტზე მეტია, არბიტრს ერთხელაც არ დავუჯარიმებივარ.
მაგრამ დავარღვევ თუ არა თამაშის წესს, ყველას ჰგონია, ვითომ ვიღაც მოვკალი.
პროფესიონალი ფეხბურთელი ვარ და იძულებული ვარ, შევეგუო იმას, რასაც ჩემზე საუბრობენ, თუმცა ხშირად უსამართლოდ მსაყვედურობენ.
ამის მიუხედავად, ჩემს საქმეს ვაგრძელებ და "რეალის" ღირსების დასაცავად მაქსიმუმს ვაკეთებ", - თქვა პეპემ.
მომზადებულია A Bola-ს მიხედვით
