"ბარსელონას" მთავარმა მწვრთნელმა ტიტო ვილანოვამ "ლევანტესთან" გამარჯვების შემდეგ, რამაც კატალონიურ გრანდს მადრიდის "რეალთან" უპირატესობის გაზრდა შეაძლებინა, განაცხადა, რომ პრიმერაში საჩემპიონო რბოლა სულაც არ დასრულებულა."ჩემპიონატი ჯერ არ დასრულებულა. ჯერ მატჩების მხოლოდ მესამედია ჩატარებული და თან, "ატლეტიკო" საკმაოდ ახლოს გვყავს.
მახსენდება პირველი ერთობლივი სეზონი გვარდიოლასთან, როდესაც "რეალს" 11 ქულით ვუსწრებდით, მაგრამ ყველაფერი მხოლოდ "სანტიაგო ბერნაბუეზე" გადაწყდა, სადაც მოგება გვჭირდებოდა", - აქვეყნებს ტიტოს სიტყვებს goal.com.
"ბარსელონას" თავკაცმა ასევე აღნიშნა, რომ ესპანეთის ჩემპიონატში მადრიდის "ატლეტიკოს" დამაჯერებელი სტარტი მისთვის მოულოდნელობა სულაც არ იყო.
"ატლეტიკოს"
ამ ყველაფრის მიუხედავად, ჩვენთვის მთავარი ახლა ყურადღების მომავალ მეტოქესთან, ბილბაოს "ატლეტიკთან" მატჩზე გამახვილებაა", - თქვა ვილანოვამ.
"ბარსელონა" "ატლეტიკოს" 1 დეკემბერს უმასპინძლებს. მომდევნო დღეს კი "სანტიაგო ბერნაბეუზე" მადრიდული დერბი შედგება - "რეალი"-"ატლეტიკო".
ასევე იხილეთ:
თუ კატალონია დამოუკიდებელი გახდა, "ბარსელონა" საფრანგეთის ჩემპიონატში ითამაშებს?
ანდრეს ინიესტა: დარწმუნებული ვარ, რთული პერიოდი წინ გვაქვს
ესპანეთი. ლა ლიგა. XIII ტური: ნოემბერში დაკარგული ტიტული? [VIDEO]
