"ბარსელონას" თავკაცმა ტიტო ვილანოვამ დავიდ ვილიას თამაშზე ისაუბრა, რომელმაც ესპანეთის თასზე "ალავესთან" (3:1) მატჩში მოედანზე 90 წუთი გაატარა."ვფიქრობ, დავიდმა კარგად ითამაშა. მან ორი გოლი გაიტანა და მოედანზე ბოლომდე იყო. ვხედავ, რომ ის ნელ-ნელა ჩვეულ ფორმას უბრუნდება.
ვილიას რთული ტრავმა ჰქონდა, ამიტომ მას ექიმებთან ბევრი მუშაობა უწევდა. გოლები მას დაეხმარება. დავიდს თამაშის საშუალებას აუცილებლად მივცემთ", - თქვა ვილანოვამ.
შეგახსენებთ, რომ ვილიამ "ალავესთან" შეხვედრაში დუბლი შეასრულა.
მომზადებულია Football Espana-ს მიხედვით
