18 დეკემბერს იპურუაში ესპანეთის თასის პირველი მერვედფინალური დაპირისპირებები ბასკეთში დასრულდა, სადაც რანგით მესამე დივიზიონის გუნდმა, "ეიბარმა" "მალაგას" უმასპინძლა და კინაღამ კიდევ ერთი სიურპრიზი შემოგვთავაზა - "მალაგამ" მარცხს თავი 94-ე წუთზე ძლივს დააღწია, ისიც ბასკთა გოლკიპერის უხეში შეცდომის გამო. ის უაზროდ გავარდა წინ და ოგუჩი ონიევუმ თავურით ცარიელ კარში გაიტანა - 1:1. ბუნებრივია, ახლა უკვე მანუელ პელეგრინის გუნდია აშკარა ფავორიტი. მეორე ტაიმში ანგარიში მასპინძლებმა გახსნეს - გოლი 33 წლის მცველმა ჩემა ანიბარომ გაიტანა, თუმცა გამარჯვება ბასკებმა ბოლო წამს დაკარგეს.
გაისკა გარიტანო
მანუელ პელეგრინი (მალაგა): "მეტოქემ მოცემული შანსი გამოიყენა, ჩვენ კი მომენტები ვანიავეთ. არ მესმის, ასეთ მოედნებზე ფეხბურთის თამაში აკრძალული რატომ არ არის".
ეიბარი-მალაგა 1:1
გოლები: 1:0 ანიბარო (73), 1:1 ონიევუ (94)
ეიბარი (4-4-2): ალტამირა - აიმარი, ანიბარო, რ. ნავასი, ბინგენი - კაპა, დ. ხიმენესი, აბაროა, ოლმო (84. იური) - აკეჩე (66. მაინსი), ხიტო (72. ერასტი).
მალაგა (4-2-3-1): კამენი - ს. სანჩესი, ონიევუ, ველიგტონი, მონრეალი - რესიო (74. იტურა), ნაჩო კამაჩო - ბუონანოტე, სება ფერნანდესი, დუდა (83. ფაბრის ოლინგა) - სავიოლა (61. ხუანმი).
საპასუხო მატჩი: 8 იანვარს
ყოველდღიური სპორტული გაზეთი "ლელო"
