ესპანური გამოცემა "მარკა" ამტკიცებს, რომ "ვალენსია" უკვე შეუთანხმდა ვიგოს "სელტას" 25 წლის ფორვარდ იაგო ასპასს 5-წლიან კონტრაქტზე. ახლა მთავარი გალისიურ კლუბთან მოლაპარაკებაა. იაგო ასპასს 18 მატჩში 8 გოლი აქვს გატანილი და ის "სელტას" უდავო ლიდერია. ვისენტე დელ ბოსკეს მისი მიწვევა ურუგვაის ნაკრებთან ამხანაგურ მატჩში გადაწყვეტილი აქვს.
ასპასის გამოსასყიდი თანხა 10 მილიონ ევროს შეადგენს. არადა, შარშან, როცა ასპასი სეგუნდა-დივიზიონში თამაშობდა, "ვალენსიამ" და "სევილიამ" მასში 5 მილიონი ევრო ვერ გაიმეტეს.
ასევე იხილეთ:
"სელტამ" იაგო ასპასის დუბლით 3-მატჩიანი წაგებების სერია შეწყვიტა
