არა უგვიანეს პარასკევისა, არგენტინელი სპეციალისტი ნესტორ გოროსიტო ესპანურ "ალმერიასთან" კონტრაქტს მოაწერს ხელს, პრინციპული შეთანხმება მიღწეულია. ასე რომ, კვირას "ვალენსიას" წინააღმდეგ ანდალუსიურ კლუბს უკვე გოროსიტო უხელმძღვანელებს.
45 წლის ბასკი მწვრთნელის, ხუან მანუელ ლილიო დიესის (ანუ ხუანმა ლილიო) კარიერა "ალმერიაში" კატასტროფულად დასრულდა - მისმა გუნდმა შინ 0:8 წააგო "ბარსელონასთან". ფაქტობრივად, ლილიო თამაშის დასრულებისთანავე აღარ იყო "ალმერიას" მწვრთნელი, უბრალოდ კლუბის ხელმძღვანელობამ საჯარო განცხადებებისგან თავი შეიკავა და, სანამ ახალი მწვრთნელის ძიება არ დაიწყო, მედიამ ვერც კი შეიტყო ლილიოს მოხსნის ამბავი (თუმცა კი ივარაუდა). სხვათა
ლილიოს ნაცვლად დროებით გუნდს ფიზიკური მომზადების მწვრთნელი ედუ პონსი ხელმძღვანელობს. ვარჯიშებს სწორედ პონსი ატარებს.
ნესტორ გოროსიტო 46 წლისაა, ის 90-იან წლებში არგენტინის ეროვნული ნაკრების ნახევარმცველი იყო (12 თამაში, 1 გოლი). გოროსიტომ მწვრთნელობა 2002 წლიდან დაიწყო, წლეულს იანვარში კი არგენტინელი "ხერესმა" მიიწვია, თუმცა "ხერესი" გავარდნისგან ვერ იხსნა.
