რაღაცნაირი ტურია... ვერ გამოარჩევ რომელიმე თამაშს. შესაძლოა, ეს "ელ კლასიკოს" შემდეგ გვეჩვენება კიდეც. დღეს "ვისენტე კალდერონზე" "ატლეტიკო" "დეპორტივოს" მასპინძლობს, სახელები იცოცხლე, მაგრამ ახლანდელი "დეპორი" ვერ არის სერიოზული მიზნებისთვის მებრძოლი გუნდი, "ატლეტიკოსაც" მინიკრიზისი აქვს. მადრიდის გარეუბანში მიჩელის "ხეტაფე" "ვილიარეალს" მასპინძლობს, გუნდს, რომელიც მე-3 ადგილზეა. დღევანდელი ესპანური "სამზარეულო" ანდალუსიურ დერბისაც გვთავაზობთ, მაგრამ "სანჩეს პისხუანს" ნაკლებად პოპულარული და აშკარად სუსტი "ალმერია" სტუმრობს.
კვირის საღამოს 8 საათის 4 მატჩიდან მხოლოდ ბილბაოს "ატლეტიკისა" და "ესპანიოლის" დაპირისპირებას თუ გამოვარჩევთ. საღამოს კი "რეალი" აუტსაიდერ "სარაგოსას" ეწვევა. ისევ
"ბარსელონამ" მაქსიმალური სიჩქარე აკრიფა - ბოლო ექვსი ტურია "ბლაუგრანა" იგებს, თან პეპ გვარდიოლას ბიჭებმა 27 გოლის გატანა შეძლეს (აქედან 5 "რეალის" კარში). მოკლედ, ბოლოს "კამპ ნოუს" რეალი" ეწვია და 5 უპასუხო გოლი გაუშვა, ახლა კიდევ "რეალ სოსიედადი" სტუმრობს...
ბასკები იხტიბარს არ იტეხენ. აი, რას ამბობს მათი შეტევების ლიდერი ხოსება ლორენტე: "ძალიან კარგი თამაში გველის. "კამპ ნოუზე" წინასწარ განწირულები სულაც არ ვართ, იქ ჩვენ კარგ ფეხბურთს შემოგთავაზებთ. "ბარსელონას" წინააღმდეგ თამაშისას დამღუპველია, იმაზე ფიქრი, რაც შეიძლება ნაკლები გოლი გაუშვა - უარესს შედეგს მიიღებ. დადებითი შედეგი? რატომაც არა! თუკი ჩვენ 100%-ით თავს დავდებთ და ამავე დროს "ბარსას" ცუდი დღე ექნება, არაფერია გამორიცხული". გასაგებია, რომ გამოცდილ ლორენტეს ფეხები არ აუკანკალდება, მაგრამ აჰყვებიან კი მას ახალგაზრდა თანაგუნდელები, რომელთა ნაწილი "კამპ ნოუზე" პირველად ითამაშებს, საკითხავია.
გვარდიოლას არ ეყოლება გაბრიელ მილიტო და ჟეფრენ სუარესი, ვარჯიში დაიწყო მალელმა სეიდუ კეიტამ, რომელსაც მუხლი აწუხებდა. მარტინ ლასარტე "კამპ ნოუზე" ხუთი მცველით თამაშს. "რეალ სოსიედადს" სამი კაცი ჰყავს დაშავებული, რომელთაგანაც ნაკლებსავარაუდოა თამაში შეძლოს ფრანგმა ახალგაზრდა ანტუან გრიზმანმა, საეჭვოა დიეგო იფრანისა და დავიდ ზურუტუზას გამოჩენაც.
არაგონელები ცხრილის ფსკერზე არიან, რაც სეზონი დაიწყო "სარაგოსამ" მხოლოდ ერთხელ მოიგო. მოკლედ, "სამეფო კლუბთან" გუნდის შანსებს სერიოზულს ვერ ვუწოდებთ. "რეალს" კიდევ ერთი უპირატესობა დაემატა - როგორც იქნა, საკუთარი შესაძლებლობისა ირწმუნა ქარიმ ბენზემამ, რომელმაც ჩემპიონთა ლიგაზე ჰეთ-თრიკი შეასრულა. ხავიერ აგირემ დაცვის ხაზში უნდა მონახოს მატეო კონტინისა და ივან ობრადოვიჩის შემცვლელები. "რეალში" ვარჯიში განაახლა ანხელ დი მარიამ, თუმცა ჟოზე მოურინიოს გუნდში პრობლემები რჩება: ერჟი დუდეკი კარგა ხანს დაისვენებს მოტეხილი ყბით, სამი ხედირა დისკვალიფიცირებულია, ლაზარეთში იმყოფებიან: სერხიო კანალესი, ფერნანდო გაგო, გონსალო იგუაინი და კაკა.
"ატლეტიკოს" მთავარი მწვრთნელი კიკე ფლორესი დისკვალიფიკაციას "დეპორტივოსთან" მატჩით მოიხდის. სპეციალისტს მხოლოდ ორი სადარდებელი აქვს თამაშის წინ - პაულო ასუნსაო დისკვალიფიცირებულია, ხოლო ტიაგომ ტრავმა ახლახან მოიშუშა და მისი თამაში სარისკოა. გალისიელებს, როგორც იქნა, დაუბრუნდა ლიდერი - მექსიკელი ანდრეს გუარდადო. თუმცა "დეპორში" პრობლემებიცაა: რიკი და ჟუკა ვერ ვარჯიშობენ, რუბენ პერესი "ატლეტიკოს" ეკუთვნისა და თამაშის უფლება არა აქვს, ფორვარდ ადრიანის თამაში კი საეჭვო გახლავთ.
ბილბაოს "ატლეტიკი" მეოთხეადგილოსან "ესპანიოლს" დაუხვდება. მასპინძელთა რიგებში საეჭვოა პაბლო ორბაისის, ირაოლას, აიტორ ოსიოსა და კოიკილის თამაში. "ესპანიოლს", რა თქმა უნდა, ერ ეყოლება ფელიპე მატიონი, რომელიც მუხლის ტრავმამ დიდი ხნით გამოთიშა (თუმცა ექიმები ირწმუნებიან, რომ მისი აღდგენითი პროცესი დაგეგმილზე სწრაფად მიდის), გამორიცხულია კუნთნატკენი ხავი ლოპესის თამაშიც. დისკვალიფიკაცია აქვთ ხავი მარკესს და რაულ ბაენას.
დღეს
ხეტაფე-ვილიარეალი 21:00
დისკვალიფიკაცია: ბოატენგი - როსი
ტრავმა: მ. ალვარესი, კასკერო - ორიოლი, კაპდევილა
სევილია-ალმერია 23:00
ტრავმა: პეროტი, ფასიო, კონე, ნავასი, ლ. ფაბიანო, ვარასი - ბერნარდელო, ს. სილვა, მიჩელი, პელერანო, ნიეტო
ატლეტიკო-დეპორტივო 01:00
დისკვალიფიკაცია: ფლორესი, პ. ასუნსაო - რ. პერესი (იჯარა)
ტრავმა: ტიაგო - ჟუკა, რიკი, ადრიანი (?)
ხვალ
ბილბაო-ესპანიოლი 20:00
დისკვალიფიკაცია: ბაენა, ხ. მარკესი (ესპ)
ტრავმა: ორბაისი, ირაოლა, ოსიო, კოიკილი - მატიონი, ხ. ლოპესი, გალანი, კორომინასი, დე ლა პენია
სპორტინგი-ლევანტე 20:00
ტრავმა: კანელია - როდასი, ნ. გონსალესი, იბორა, მ. პერესი
ერკულესი-მალაგა 20:00
დისკვალიფიკაცია: ფრიტცლერი (ერკ)
ტრავმა: ტომერი, რუფეტე - აპონიო, ს. ფერნანდესი
მალიორკა-რასინგი 20:00
დისკვალიფიკაცია: რუბენი (მალ)
ტრავმა: კ. გარსია, პინა, აიოსე, სერხიო - კოლტორტი, ციოლისი, ოსკარი, არანა
სარაგოსა-რეალი 22:00
დისკვალიფიკაცია: კონტინი, ობრადოვიჩი - ხედირა
ტრავმა: დუდეკი, კანალესი, იგუაინი, გაგო, კაკა
ბარსელონა-რეალ სოსიედადი 00:00
ტრავმა: მილიტო, ჟეფრენი, კეიტა (?) - გრიზმანი, იფრანი, ზურუტუზა (?)
ზეგ
ვალენსია-ოსასუნა 00:00
დისკვალიფიკაცია: ალბელდა (ვალ)
ტრავმა: კამუნიასი (ოს)
თ მ ფ წ ბ ქ
1. ბარსელონა 14 12 1 1 41-8 37
2. რეალი 14 11 2 1 35-11 35
3. ვილიარეალიF 14 9 3 2 27-12 30
4. ესპანიოლი 14 9 1 4 16-15 28
5. ვალენსია 14 7 3 4 19-15 24
6. სოსიედადი 14 7 1 6 21-19 22
7. მალიორკა 14 6 3 5 15-16 21
8. სევილია 14 6 2 6 20-23 20
9. ატლეტიკო 14 6 2 6 22-19 20
10. ხეტაფე 14 6 2 6 22-20 20
11. ბილბაო 14 6 1 7 21-25 19
12. დეპორტივო 14 4 5 5 12-16 17
13. ოსასუნა 14 4 3 7 12-17 15
14. ერკულესი 14 4 3 7 14-21 15
15. ლევანტე 14 4 2 8 16-23 14
16. რასინგი 14 4 2 8 12-23 14
17. მალაგა 14 4 1 9 19-28 13
18. სპორტინგი 14 2 4 8 11-22 10
19. ალმერია 14 1 7 6 10-21 10
20. სარაგოსა 14 1 6 7 13-24 9
ბომბარდირები: 16 - კრიშტიანო რონალდო (რეალი); 15 - ლიონელ მესი (ბარსელონა); 9 - ფერნანდო ლორენტე (ბილბაო), ნილმარი (ვილიარეალი); 8 - ჯუზეპე როსი (ვილიარეალი), დავიდ ვილია (ბარსელონა); 7 - დავიდ ტრეზეგე (ერკულესი), გონსალო იგუაინი (რეალი).
