მიუხედავად იმისა, რომ უშუალო დაპირისპირებაში ლეო მესის "ბარსელონამ" მიწასთან გაასწორა კრიშტიანო რონალდოს "რეალი", თანაც არგენტინელმა გაცილებით უკეთ ითამაშა, ვიდრე პორტუგალიელმა, მაინც არ წყდება პლანეტის ამ ორი საუკეთესო ფეხბურთელის ერთმანეთთან შედარება.
უმეტესობა მესისკენ იხრება, მაგრამ "რეალის" ლეგენდა ალფრედო დი სტეფანო სხვანაირად ფიქრობს, თუმცა თავადვე ამბობს, რომ სუბიექტურია: "მესი თუ კრიშტიანო? ჩემთვის, კრიშტიანო, თუნდაც იმიტომ, რომ ის ჩვენი ფეხბურთელია. ამის გარეშეც პორტუგალიელი ფანტასტიკური ფეხბურთელია და საუკეთესოობას იმსახურებს".
დი სტეფანომ სხვა საკითხებზეც ისაუბრა: "დიდებული გუნდი გვყავს. ახლა კი სტაბილურობა გვესაჭიროება. ძალიან მიხარია, ისეთი
მაგარი ბიჭები თამაშობენ ახლა "რეალში", ზამთარში არავის ყიდვა არ დაგვჭირდება. ჟოზე მოურინიო მართლა კარგი მწვრთნელი ყოფილა, მისი "რეალი" უფრო უსაფრთხო და ეფექტური გუნდია".
