რეალი ახდენილი ოცნებაა

გუშინ მადრიდის "რეალის" ახალმა შენაძენმა პედრო ლეონმა კლუბის ოფიციალურ საიტს პირველი ინტერვიუ მისცა.  

- გილოცავთ, როგორც ვიცით, ბავშვობის ოცნება აგიხდათ...

- მადლობა, "რეალი" პლანეტის საუკეთესო კლუბია. ბავშვობიდან მხოლოდ ერთი ოცნება მქონდა, აქ, ამ გუნდის მაისურით მეთამაშა. ძალიან ბედნიერი ვარ.

- თქვენ ძალიან გულთბილი შეხვედრა მოგიწყვეს გულშემატკივრებმა, თუ ელოდით ამას?
- ისინი ძალიან მაგრები არიან. მართლა არ მეგონა თუ ასეთი ცნობილი ვიყავი. ძალიან ბევრი ადამიანი მოვიდა დღეს.

- ფლორენტინო პერესმა შეგაქოთ და აღნიშნა, რომ გასულ სეზონში თქვენ ძალიან კარგი თამაშით დაიმსახურეთ

"რეალის" მაისურა...
- შარშანდელი სეზონის შემდეგ მართლაც ბევრი შემოთავაზება მქონდა, მაგრამ როგორც გავიგე, რომ "რეალიც" იყო დაინტერესებული, ჩემს აგენტს ვუთხარი, სხვა ყველა ვარიანტი გადაეხაზა. თავი ახლაც სიზმარში მგონია. ფეხბურთში ამაზე კარგ შანსს ვერავინ მოგანიჭებს, რაც მე მივიღე - მოვხვდი მსოფლიოს საუკეთესო გუნდში, სადაც საუკეთესო ფეხბურთელები თამაშობენ და საუკეთესო მწვრთნელია. უნდა მოვინდომო და ბევრი ვიშრომო. მსურს დიდ პროგრესს მივაღწიო.

- ჯერ მხოლოდ 23 წლის ხართ, მაგრამ უკვე მოასწარით თამაში "მურსიაში", "ლევანტეში", "ვალიადოლიდში" და "ხეტაფეში", მოგზაურობა გიყვართ?
- არა, "რეალს" ვეძებდი. ნელნელა ვუმატებდი და კლუბსაც შესაბამისად ვიცვლიდი. ახლა კი გაჩერების დროა. "რეალის" ღირსებას თავდაუზოგავი თამაშით დავიცავ.

- თქვენი ყველა ყოფილი მწვრთნელი აღფრთივანებით საუბრობს პედრო ლეონის კარგ თამაშზე.
- მეც დიდი მადლიერი ვარ მათი, განსაკუთრებით მენდილიბარის.

- ჟოზე მოურინიო მომთხოვნი მწვრთნელია, რომელიც დღედაღამ მუშაობს და არც სხვას აძლევს მოსვენების საშუალებას, რა იფიქრეთ, როცა გაიგეთ, რომ მისი შეგირდი გახდებოდით? 
- ამაზე უკეთესი რა უნდა იყოს? ის ხომ საუკეთესოა მთელს მსოფლიოში, ამიტომაც დაამარცხა "ბარსა" ჩემპიონთა ლიგაზე. ვიმედოვებ, რომ სეზონის ბოლოს მეც კმაყოფილი ვიქნები და მოურინიოც.

- როგორი ფეხბურთელია პედრო ლეონი, რომელიც მემარჯვენეა, მაგრამ ორივე ფლანგზე ბრწყინვალედ თამაშობს?
- მოდით, ფეხბურთელი პედრო ლეონი სხვამ შეაფასოს და არა პედრო ლეონმა. მწვრთნელი თავად განსაზღვრავს, სად და როგორ გამომიყენოს.

- როგორია კრიშტიანო რონალდოს, ქარიმ ბენზემას და კაკას დარ ვარსკვლავების გვერდით თამაში?
- ჯერ არ ვიცი, ვნახოთ. ერთი სული მაქვს, როდის გადავიცმევ "რეალის" მაისურას და სათამაშოდ შევალ.

- რას ეტყვით ჩვენს გულშემატკივარს?
- მინდა იცოდნენ, რომ დიდ პატივს ვგრძნობ "რეალის" ღირსების დაცვა რომ მომიწევს. სანამ შემეძლება არასოდეს გავჩერდები, მინდა გულშემატკივრები გავახარო. ჰალა მადრიდ!