ლა ლიგა. XIV ტურის წინ: ინგლისური ცოცხის მოსვლამდე

ტურის ცენტრალური შეხვედრა "მესტალიაზე" გაიმართება - მე-9 ადგილოსანი "ვალენსია" ლიდერ "ბარსელონას" უმასპინძლებს. ეს ის შემთხვევაა, რომ ამ ორი გუნდიდან ყურადღების ცენტრში უფრო "ვალენსიაა", რაც სამწვრთნელო ცვლილებებით არის გამოწვეული. მდევარ მადრიდელებს შედარებით სუსტი მეტოქეები ჰყავთ.

ჩვენ მაინც ლიდერით დავიწყოთ - "ვალენსიამდე" იყო "ვილიანოვენსე". ვინ? გუნდი, რომელიც კოპა დელ რეის პირველ 1/16 ფინალურ მატჩში "ბარსას" 0:0 ეთამაშა. საპასუხო მატჩს "კამპ ნოუზე" 68 ათასი ადამიანი დაესწრო და 6:1-თაც ისიამოვნა.

ცნობილ შემტევ ტრიოს (მესი, სუარესი, ნეიმარი) ახალგაზრდული (მუნირი, სანდრო, აიტორი) ცვლიდა. კატალონიური გრანდი მერვედფინალში გავიდა, "ვალენსიასთან" თამაშში კი ამ შემადგენლობიდან ალბათ, მხოლოდ 4-5 ფეხბურთელს თუ გამოიყენებს.

უბრალოდ, აღვნიშნოთ, რომ სანდრო რამირესს ეს საღამო კარგა ხანს არ დაავიწყდება, მან ხომ ჰეთ თრიკი შეასრულა. სანდრომ კარიერაში პირველი ჰეთ თრიკი შეასრულა "ბარსას" მაისურით, მუნირ ელ ჰადადიმ კი - პირველი დუბლი. აიტორ კანტალაპიედრამ კი პირველად ითამაშა პირველ გუნდში.

"ვალენსიასთან" თამაშამდე "ბარსელონას" ფეხბურთელებს კიდევ ერთი ტროფეი შეემატათ - ხავიერ მასკერანომ 2015 წლის ფეარ პლეის პრიზი მიიღო.

"ვალენსიაში" დიდი ამბებია - ხუთშაბათს გუნდს ახალი თავკაცი, თანაც, ძალზე მოულოდნელი - გარი ნევილი - წარადგინეს.

40 წლის ინგლისელმა, რომელიც მუშაობას მხოლოდ 6 დეკემბერს შეუდგება, ანუ "ბარსას" სტუმრობის მერე, განაცხადა, რომ ის რომ ნეიტრალური დამკვირვებელი ყოფილიყო (როგორიც იყო ოთხშაბათამდე "სქაი სპორტსში" მუშაობისას), თავადაც ძალიან გაუკვირდებოდა გარი ნევილის დანიშვნა "ღამურების" თავკაცად და აუცილებლად გააკრიტიკებდა "ვალენსიას" ხელმღვანელობის ამ გადაწყვეტილებას. ვერაფერს ვიტყვით, მოღვაწეობის ორიგინალური დასაწყისია.

"ბარსელონასთან" მატჩისთვის "ღამურებს" "ვალენსიას" ექს-ფეხბურთელი ვორო ამზადებს, მას გარის უმცროსი ძმა ფილ ნევილი ეხმარება.

რუს დენის ჩერიშევს პირველად მიეცა "რეალში" გაბრწყინების შანსი - ის "კადისთან" მატჩში სასტარტოში იყო გოლიც გაიტანა, მაგრამ ყველაფერი ტრაგიკულად დასრულდა. აღმოჩნდა, რომ რუსს "ვილიარეალში" თამაშისას თასზე დისკვალიფიკაცია ჰქონია მოსახდელი, რაც ავტომატურად გადმოვიდა ამ სეზონში. რაფა ბენიტესი აცხადებს, რომ "რეალში" არაფერი იცოდნენ ამის შესახებ.

"კადისმა", რომელმაც შინ 1:3 წააგო "რეალთან" პირველი დაპირისპირება, უკვე შეიტანა სარჩელი და დიდი ალბათობით, "რეალს" დისკვალიფიცირებული ფეხბურთელის თამაშისთვის კოპას დაატოვებინებენ. "რეალის" პრობლემებს ესღა აკლდა...

შაბათი. 5 დეკემბერი
რეალი-ხეტაფე 19:00
დისკვალიფიკაცია: ისკო - ხ. როდრიგესი
ტრავმა: ვარანი, კარვახალი, მარსელო (?), რამოსი - მედრანი, ბუენდია
ბოლო 6 მატჩი
+4=0-2 +2=1-3
ურთიერთშეხვედრები
სულ 22 თამაში: +15=2-5, (51-23)

გრანადა-ატლეტიკო 21:15
დისკვალიფიკაცია: მორენო -
ტრავმა: კრჰინი, ბიფუმა, მუსავუ-კინგი (?), ექტორი, პერეირა (?) - ტიაგო, ჯ. მარტინესი
ბოლო 6 მატჩი
+1=4-1 +5=1-0
ურთიერთშეხვედრები
სულ 8 თამაში: +0=2-6, (1-13)

ვალენსია-ბარსელონა 23:30
დისკვალიფიკაცია: კანსელო, ფუეგო -
ტრავმა: ანდრე გომეში (?), მუსტაფი, როდრიგო, ბარაგანი, პიატი, ნეგრედო, ალვეში - ს. რობერტო, რაფინია, დუგლასი, ტერ შტეგენი
ბოლო 6 მატჩი
+3=2-1 +6=0-0
ურთიერთშეხვედრები
სულ 48 თამაში: +11=12-25, (57-93)

დეპორტივო-სევილია 01:00
დისკვალიფიკაცია: ლუიზინიო -
ტრავმა: ლუის ალბერტო, გუტიერესი, ფაბრისიო, ბორხესი - კაკუტა, ანდრეოლი, ესკუდერო, პარეხა, კარიშო, ბეტო
ბოლო 6 მატჩი
+2=3-1 +3=1-2
ურთიერთშეხვედრები
სულ 42 თამაში: +17=10-15, (53-56)

ბეტისი-სელტა 01:05
დისკვალიფიკაცია: ვესტერმანი - პ. ერნანდესი
ტრავმა: პიჩინი (?), რენელა, პენია, მატილია (?), დიგარი - რადოია, ფონტასი
ბოლო 6 მატჩი
+2=1-3 +3=0-3
ურთიერთშეხვედრები
სულ 32 თამაში: +10=9-13, (32-44)

კვირა. 6 დეკემბერი
სოსიედადი-ეიბარი 15:00
დისკვალიფიკაცია: პარდო - ესკალანტე
ტრავმა: ბერგარა, ნავასი, ზურუზუტა - ბასტონი (?), ხაიმე, რეინა, დელ მორალი
ბოლო 6 მატჩი
+2=0-4 +2=2-2
ურთიერთშეხვედრები
სულ 8 თამაში: +4=3-1, (7-3)

ვილიარეალი-ვალეკანო 19:00
დისკვალიფიკაცია: - ტრაშორასი
ტრავმა: ბონერა, ადრიანი, ბაპტიშტაო, მარიო, ასენხო (?) - კობენიო, ტონიო, რაცი
ბოლო 6 მატჩი
+1=2-3 +2=1-3
ურთიერთშეხვედრები
სულ 14 თამაში: +9=2-3, (29-21)

სპორტინგი-ლას პალმასი 21:15
დისკვალიფიკაცია: არავინ
ტრავმა: დანი ნდი (?), პ. პერესი, მუნისი, აიტ-ატმანე, კანელია, ს. ალვარესი - ვიერა (?), ბიგასი (?), სიმონი (?), აიტამი (?), ელ ჟარი (?), დ. გარსია, ვალერონი, ვილიან ჟოზე, ალკარასი, კასტელიანო, ა. ლოპესი (?), ვაკასო
ბოლო 6 მატჩი
+1=1-4 +1=2-3
ურთიერთშეხვედრები
სულ 14 თამაში: +7=2-5, (23-16)

ბილბაო-მალაგა 23:30
დისკვალიფიკაცია: ლაპორტი - ტისონე
ტრავმა: მუნიაინი (?), რამალიო (?), ი. გომესი (?) - დუდა (?), კამაჩო, ფლავიო
ბოლო 6 მატჩი
+4=1-1 +1=1-4
ურთიერთშეხვედრები
სულ 30 თამაში: +10=10-10, (37-36)

ორშაბათი. 7 დეკემბერი
ესპანიოლი-ლევანტე 23:30
დისკვალიფიკაცია: - ლევანტე
ტრავმა: არბილია, პ. დიოპი (?) - ტრუხილიო, ი. ლოპესი (?)
ბოლო 6 მატჩი
+2=1-3 +1=1-4
ურთიერთშეხვედრები
სულ 16 თამაში: +6=5-5, (20-21)

ბომბარდირები: 14 - ნეიმარი (ბარსელონა); 12 - ლუის სუარესი (ბარსელონა); 10 - არიც ადურისი; 9 - იმანოლ აგირეჩე (რეალ სოსიედადი), ლუკას პარესი (დეპორტივო), კრიშტიანო რონალდო (რეალი).

ყოველდღიური სპორტული გაზეთი "ლელო"