ლონდონის "ჩელსი" უახლოეს ხანში კოტდიუვარელ თავდამსხმელ სალომონ კალუსთან კონტრაქტის გაგრძელების თაობაზე მოლაპარაკებებს დაიწყებს. ფეხბურთელის ახლანდელი ხელშეკრულება მიმდინარე სეზონის ბოლოს იწურება. კალუ "ჩელსიში" 2006 წლიდან თამაშობს. მან 5 წლის მანძილზე "არისტოკრატების" შემადგენლობაში 232 მატჩი ჩაატარა და 55 გოლი გაიტანა.
"კალუს ახალი კონტრაქტი შევთავაზეთ და იმედი მაქვს მოლაპარაკებებს გავაგრძელებთ. იანვარში ის საკუთარი მომავლის განსახილველად მზად იქნება", - განაცხადა "ჩელსის" მთავარმა მწვრთნელმა ანდრე ვილაშ-ბოაშმა.
ასევე ცნობილია, რომ კლუბმა დიდიე დროგბასთან მოლაპარაკებები შეწყვიტა.
მომზადებულია chelseafc.com-ის მიხედვით
