"არსენალის" მთავარი მწვრთნელი არსენ ვენგერი ფიფას პრეზიდენტ ზეპ ბლატერს არ ეთანხმება, რომელიც მიიჩნევს, რომ ფეხბურთში რასიზმის გამოვლინებას მატჩის შემდეგ ხელის ჩამორთმევით შეიძლება ვებრძოლოთ."ეგებ ჯობდეს, მაგალითი რაგბისგან აგვეღო, სადაც მოთამაშეები მსაჯებს არ ესაუბრებიან და ერთმანეთს არ ლანძღავენ. ვფიქრობ, სამუშაო ჯერ კიდევ ბევრია.
ბლატერის გამონათქვამებს რომ შევეშვათ, მიმაჩნია, რომ ახლა მოედანზე ძალიან ბევრს ლაპარაკობენ. ჩვენს თამაშს მთელ პლანეტაზე მილიარდობით ადამიანი აკვირდება და იმას, რაც მოედანზე ხდება, ვერ შევეგუებით", - განაცხადა ვენგერმა.
