"მანჩესტერ იუნაიტედის" და ინგლისის ნაკრების თავდამსხმელი უეინ რუნი "ბაზელთან" მისი გუნდის დამარცხების შემდეგ, ხუთშაბათს, ნიონში ჩავიდა. დღეს ნიონში ჩერნოგორიასთან ევროპის ჩემპიონატის შესარჩევ ტურნირში მიღებული სამმატჩიან დისკვალიფიკაციასთან დაკავშირებით ფორვარდის აპელაციას განიხილავენ.
რუნი უეფას შტაბბინაში ოთხი იურისტის თანხლებით ჩავიდა. ამას გარდა, ფორვარდთან ერთად ინგლისის ნაკრების მთავარი მწვრთნელი, ფაბიო კაპელოც იმყოფება.
