"ტოტენჰემის" მთავარმა მწვრთნელმა, ჰარი რედნაპმა მიანიშნა, რომ შესაძლოა იანვარში "დეზების" შემადგენლობაში ცნობილი ფეხბურთელი გადავიდეს."ჩვენი კლუბი უმაღლეს მიზნებს ისახავს. მშვენიერი პოტენციალი გვაქვს. შემადგენლობაში შესანიშნავი მოთამაშეები არიან თავმოყრილნი, რომლებიც მზად არიან სატურნირო ცხრილის უმაღლესი ადგილებისთვის იბრძოლონ.
თუ ზამთარში ვინმეს შევიძენთ, რატომ არ უნდა ვეცადოთ, რომ ის ცნობილი და ძლიერი მოთამაშე აღმოჩნდეს? ეს დაამტკიცებს, რომ ჩვენი ამბიციები უსაფუძვლო არაა. მართალია, ასეთი ფეხბურთელის მოძებნა და შეძენა რთულია", - თქვა რედნაპმა.
