ლონდონის "არსენალის" თავდამსხმელმა, რობინ ვან პერსიმ განაცხადა, რომ მისი გუნდის "ქუინზ პარკ რეინჯერსთან" გამარჯვება (1:0) უფრო მნიშვნელოვანი იყო, ვიდრე კალენდარულ წელიწადში გატანილი გოლების შესაძლო რეკორდი.შეგახსენებთ, რომ შაბათს გამართულ მატჩში ჰოლანდიელ ფეხბურთელს სამი გოლის გატანა მართებდა, რათა კალენდარული წლის განმავლობაში გატანილი გოლებით ლეგენდარული ალან შირერის მაჩვენებელი გაეუმჯობესებინა. შირერმა 36 გოლის გატანა 1995 წელს შეძლო.
"ქუინზ პარკ რეინჯერსთან" შეხვედრაში ვან პერსის გატანილი გოლი "არსენალისთვის" გამარჯვებისა აღმოჩნდა. მართალია, ჰოლანდიელმა შირერის შედეგის გაუმჯობესება ვერ შეძლო, თუმცა აღნიშნა, რომ ამის გამო სულაც არ ნაღვლობს.
როგორც ფეხბურთელმა, ყოველთვის მინდა მაქსიმუმს მივაღწიო - მათ შორის პირადი რეკორდების მხრივაც. მაგრამ "ვულვერჰემპტონთან" ფრეს შემდეგ ყველაზე მნიშვნელოვანი ამ თამაშში გამარჯვების მოპოვება იყო", - განაცხადა ვან პერსიმ.
შეგახსენებთ, რომ ჰოლანდიელი 17 გატანილი გოლით პრემიერლიგის მიმდინარე სეზონში ბომბარდირთა დავაში ლიდერობს.
