"მანჩესტერ სიტის" მთავარმა მწვრთნელმა რობერტო მანჩინიმ "ნიუკასლთან" ინგლისის პრემიერლიგის 37-ე ტურის მატჩის წინ "კაჭკაჭების" მთავარი ბომბარდირის დემბა პაპის სისეს თამაში აღნიშნა.შეგახენებთ, რომ გასულ ზამთარს ინგლისურ კლუბში გადასვლის შემდეგ 25 წლის სენეგალელმა ფეხბურთელმა 12 შეხვედრაში 13 გოლი გაიტანა.
"ის არაჩვეულებრივი მოთამაშეა. სისე კარგ გუნდში გადავიდა, რომელიც შესანიშნავ ფეხბურთს თამაშობს. შესაძლოა, თამაშის სტილის შეცვლამ გააძლიერა. მან თავისი მაღალი კლასი დაამტკიცა. სეზონის შუაგულში ინგლისის ჩემპიონატში მისვლა და 13 გოლის გატანა ძალიან რთულია", - აღნიშნა მანჩინიმ.
