"არსენს მთელი ინგლისური მას-მედია ჯიბეში ჰყავს და მისი მეშვეობით მსაჯებზეც ისე მოხერხებულად იმოქმედა, რომ ნახავთ, ამიერიდან "არსენალის" მოთამაშეებთან ნებისმიერ შეხებაზე დაუსტვენენ. ვენგერი ძალიან ჭკვიანი
მე კატეგორიულად ვაცხადებ, რომ ჩემი ფეხბურთელები განზრახ არავის ამტვრევენ. პრემიერლიგაში ისეთი სისწრაფეებია, რომ ვიღაც აუცილებლად დაშავდება".
ხოლო, რაც შეეხება ოუენ კოილს, მან "მეთოფეთა" თავკაცს მლიქვნელი უწოდა. თურმე ნუ იტყვით და ვენგერს კოლეგისთვის "ემირეიტ სთედიუმზე" "ბოლტონის" 4:1 ძლევის შემდეგ მესიჯი გაუგზავნია გული არ გაიტეხო, ძალიან კარგი გუნდი გყავსო, შემდეგ კი მოტრიალდა და საჯაროდ გააკრიტიკა. შეგახსენებთ, რა თქვა ვენგერმა: მან ბრძანა, რომ პოლ რობინსონმა აბუ დიაბის წინააღმდეგ განზრახ იუხეშა და ჩრდილო ლონდონელთა 24 წლის ფრანგი ნახევარმცველი სერიოზულ დაშავებას ბედად გადარჩა. კოილის აზრით კი იმ დღეს მხოლოდ ლონდონელები როდი იყვნენ მსხვერპლის როლში.
"მე, მაგალითად, გეტყვით, რომ კევინ დევისის წინააღმდეგ უხეშობის გამო კირეან გიბზი მსაჯს ჯერ უნდა გაეფრთხილებინა, შემდეგ კი მოედნიდან გაეძევებინა. შემიძლია გასული სეზონის ამბავიც გაგახსენოთ, მარკ დევისი უილიამ გალასმა რომ წააქცია...~
გაბრაზებულია "სტოკ სიტის" ხელმძღვანელობაც. ვენგერმა თქვა ეს გუნდი უფრო მორაგბეთა ჩემპიონატში უნდა გამოდიოდესო. ფრანგმა სპეციალისტმა რატომღაც სხვების მაგივრადაც ამოიღო ხმა და დაიწყო ლაპარაკი იმაზე თუ როგორ იუხეშა რაიან შოუკროსმა "ტოტენჰემის" ("არსენალთან" თითქოსდა რა შუაშია) მეკარის ეურელიო გომეშის წინააღმდეგ. მერე ამბობდნენ, რომ ამით ვენგერმა აარონ რემსის შარშანდელი ინციდენტისთვის იძია შური - შეგახსენებთ, შოუკროსი ის ფეხბურთელია, რომელმაც ჩრდილო ლონდონელთა ნიჭიერი ახალგაზრდა ვარსკვლავი რემსი დიდი ხნით ჩამოაშორა ფეხბურთს. შოუკროსმა თქვა:
"ვენგერს პირადად ვეზიზღები. რაც შეეხება კრიტიკას, მე ამის საწინააღმდეგო არაფერი მაქვს თუ უსამართლოდ არ მლანძღავენ".
