ფერგიუსონი ამბობს, რომ რუნიმ კვირას, "ბოლტონთან" ფრედ ნათამაშებ შეხვედრაში კოჭი იტკინა და მისი დასვენების მიზეზიც ეს არის. ამრიგად, თავდამსხმელი ევრო 2012-ის შესარჩევი თამაშის გარდა გამოსტოვებს პრემიერლიგის შეხვედრებს "სანდერლენდსა" და "ვესტ ბრომვიჩ" ალბიონთან.
როგორც ხედავთ, ცბიერმა შოტლანდიელმა რუნის კოჭის ტკივილისთვის ძალიან მოხერხებული დრო "შეურჩია": ერთი თამაში ნაკრებისთვის "მოაპარინა", ხოლო
ფერგიუსონმა თქვა: "უეინი ორ ან სამ კვირას გამოსტოვებს. ის ჯანმაგარი ბიჭია და ყოველთვის სწრაფად ერევა ხოლმე ტრავმას. გამოჯანმრთელების პროცესი არასდროს უჯანჯლდება".
როგორც ჩანს რუნის კოჭის "მოხერხებულმა" ტრავმამ ინგლისელ ჟურნალისტებს ეჭვი აღუძრა და მათ ფერგიუსონს საგანგებოდ სთხოვეს ამ თემაზე უფრო დაწვრილებით ელაპარაკა, მაგრამ ასეთი პასუხი მიიღეს:
"ვერ გავიგე რას მთხოვთ? გინდათ, რომ მისი ყოველი მყესი ცალ-ცალკე აღგიწეროთ?"
ფერგიუსონს რუნის ფსიქოლოგიურ მდგომარეობაზეც ჰკითხეს. აინტერესებდათ, ბოლოდროინდელმა მოვლენებმა ფეხბურთელი ხომ არ გატეხა და ხომ არ დაეტყო ეს ყველაფერი მის ბრძოლისუნარიანობას. ერთი სიტყვით, მწვრთნელისგან უნდოდათ შეეტყოთ რუნის შესახებ ყველაფერი, მისი მდგომარეობის ამბავი როგორც მოედანზე ასევე მის გარეთ. შოტლანდიელმა ამ კითხვაზეც თავისებურად უპასუხა:
"არავის სურს დაშავებული იყოს. უეინი სიამოვნებით ივლიდა ვარჯიშებზე და ითამაშებდა იმ შეხვედრებში, რომლებიც ახლა უნდა გამოსტოვოს".
