"მანჩესტერ სიტის" მთავარი მწვრთნელის თანაშემწემ დავიდ პლატმა არ გამორიცხა, რომ ესპანელი ნახევარმცველი დავიდ სილვა და იტალიელი ფორვარდი მარიო ბალოტელი ინგლისის პრემიერლიგის ახალი სეზონის დასაწყისისთვის ფორმის აღდგენას ვერ მოასწრებენ. ორივე ფეხბურთელმა თავისი ნაკრების შემადგენლობაში ევროპის ჩემპიონატის ფინალში მიიღო მონაწილეობა და ვარჯიში მხოლოდ გასულ კვირაში განაახლა.
"ახალი სეზონის დაწყებამდე ცოტა დრო დარჩა. ჯერჯერობით არ ვიცით, მოასწრებენ თუ არა ისინი ფორმის აღდგენას", - განაცხადა პლატმა ინგლისურ პრესაში.
