"მანჩესტერ სიტის" მთავარი მწვრთნელი რობერტო მანჩინი მიიჩნევს, რომ თუ "ქალაქელები" ჩემპიონობის დაცვას აპირებენ სატრანსფერო ფანჯრის დახურვამდე კიდევ რამდენიმე შენაძენი უნდა განახორციელონ."მეტი მოთამაშეები გვჭირდება. 10 დღე გვაქვს. ეს მოკლე ვადაა. გუნდში 20 შემსრულებელი და ახალგაზრდა მოთამაშეები გვყავს. არც ის უნდა დავივიწყოთ, რომ მიმდინარე წელს აფრიკის თასი გაიმართება", - განაცხადა იტალიელმა სპეციალისტმა.
შეგახსენებთ, რომ ამ ზაფხულს "მანჩესტერ სიტის" პირველი და ერთადერთი შენაძენი ნახევარმცველი ჯეკ როდუელია.
