"ლივერპულ ექოს" ცნობით, ჩემპიონშიპის "ბოლტონმა" 46 წლის ოუენ კოილს კარისკენ მიუთითა და გუნდი დროებით 53 წლის სემი ლის ჩააბარა. 10 შეხვედრაში დაგროვილი 11 ქულით გუნდი მე-18 ადგილზე იყო, რაც, ბუნებრივია, ყოფილი პრემიერლიგელის ხელმძღვანელთა სამართლიან აღშფოთებას იწვევდა.
რაც შეეხება დროებით დამრიგებელს, 2011 წლის ივნისამდე ის "ლივერპულში" მუშაობდა მთავარი მწვრთნელის ასისტენტად. მან მერსისაიდელები საკუთარი ნებით მიატოვა და "ბოლტონის" აკადემიის განვითარების პროგრამის ხელმძღვანელი გახდა.
განიხილავს თუ არა კლუბის გენერალური მენეჯერი ფილ გარტსაიდი ლის, როგორც მთავარი მწვრთნელობის ერთ-ერთ პრეტენდენტს, ჯერჯერობით უცნობია.
ყოველდღიური სპორტული გაზეთი
