ჩემპიონთა ლიგის მე-4 ტურში "ბრაგასთან" გამარჯვების შემდეგ "მანჩესტერ იუნაიტედის" ბანაკში აღნიშნული ტურნირის მოგებაზე ალაპარაკდნენ. სერ ალექს ფერგიუსონის თქმით, მისი გუნდის უმთავრესი კონკურენტები, "რეალისა" და "ბარსელონას" გარდა, დორტმუნდის "ბორუსია" იქნება.
შოტლანდიელის საბრძოლო განწყობას იზიარებს უეინ რუნიც:
"ვან პერსი ფანტასტიკური ფეხბურთელია. მან გუნდს დიდი ძალა შესძინა. გოლების გარდა მოედანზე ის დამატებით დიდ სამუშაოსაც ასრულებს.
ბოლო კვირების განმავლობაში შესანიშნავად წარმოაჩინა თავი "ჩიჩარიტომაც".
ის, რომ გოლებს სწორედ თავდამსხმელები იტანენ, გუნდისთვის ძალიან მნიშვნელოვანია. მიმდინარე სეზონში რამდენიმე ძალიან მძიმე შეხვედრა ჩავატარეთ, მაგრამ "ბრაგასთან" მატჩის მსგავსად არსად
ვფიქრობ, დენის გამორთვის გამო გამოწვეულმა პაუზამ სერიოზულად შეგვიწყო ხელი. გამოვფხიზლდით და ძალები მოვიკრიბეთ. აშკარაა, რომ ჩვენი საუკეთესო ფეხბურთი არ გვითამაშია, მაგრამ სამი ქულა ავიღეთ და ეს ყველაზე უფრო მნიშვნელოვანია.
საბედნიეროდ, ჯგუფში პირველ ადგილზე ვართ. ამ თამაშის შემდეგ თამამად შეიძლება ითქვას, რომ მზად ვართ, ფინალში გასასვლელად ვიბრძოლოთ.
ჩვენთვის უზარმაზარი სტიმულია, რომ გაზაფხულზე ფინალი "უემბლიზე" ტარდება".
ყოველდღიური სპორტული გაზეთი "ლელო"
