ლონდონის "ჩელსის" ნახევარმცველმა ხუან მატამ გუნდის ყოფილი მთავარი მწვრთნელი რობერტო დი მატეო გაიხსენა."9 თვეში დი მატეომ ორი ტიტული მოიგო. ამის გაკეთება ძალიან რთულია. ამიტომ ეს არ უნდა დაგვავიწყდეს.
საბოლოოდ კი ის გაათავისუფლეს. ფეხბურთი ზოგჯერ რთული და უსამართლოა.
ექვსი თვის წინ ჩემპიონთა ლიგაში გამარჯვებას ვზეიმობდით, ახლა კი დი მატეო გუნდს აღარ წვრთნის.
თუმცა ყოველთვის გამახსენდება გულშემატკივრების სიხარული, როცა ინგლისის თასი და ჩემპიონთა ლიგა მოვიგეთ.
არასდროს დამავიწყდება ის დღეები, როცა ჩვენი ქომაგები ქუჩებს ავსებდნენ და ჩვენს ტიტულებს ზეიმობდნენ", - თქვა ესპანელმა.
