"არსენალის" 18 წლის გამთამაშებელი ამ სეზონში აშკარად კაპელოს ყურადღების ცენტრშია. იტალიელი მწვრთნელი მას "შორიახლოს უვლის". აგვისტოში, უნგრელებთან საკონტროლო შეხვედრაში უილშერი თამაშის მიწურულს შევიდა
ამის შემდეგ, ყველა ელოდა, რომ კაპელო უილშერს რეგულარულად გამოიძახებდა და თუ სასტარტო შემადგენლობაში არ ათამაშებდა, შეცვლაზე მაინც შეიყვანდა ხოლმე, მაგრამ ასე არ მოხდა: ევროპის 2012 წლის შესარჩევის შეხვედრებში ბულგარეთსა და შვეიცარიასთან მას შეკრებაზეც კი არ უხმეს.
გასულ პარასკევს ჯეკ უილშერი 21 წლამდელთა გუნდის შემადგენლობაში რუმინეთს ეთამაშა, შემდეგ კი დიდ გუნდში გადაბარგდა და სამშაბათს, ინგლის-ჩერნოგორიის შეხვედრაში სათადარიგოთა სკამზე იჯდა.
კაპელომ თქვა: "ვფიქრობ, საფრანგეთის ნაკრებთან ახალგაზრდული ნაკრების რამდენიმე ფეხბურთელს გამოვცდი. ეს ძალიან მნიშვნელოვანი იქნება, რადგან მინდა ისინი საქმეში ვნახო".
კაპელოს მის მიერ შერჩეულ ახალგაზრდთა გვარების დასახელება სთხოვეს, მაგრამ მან შორს დაიჭირა. ამის მიუხედავად, ინგლისელ ჟურნალისტებს ეჭვი არ ეპარებათ, რომ ერთ-ერთი მათგანი ჯეკ უილშერია.
შესაძლოა საფრანგეთის ნაკრებთან ითამაშონ თეო უოლკოტმა, კიერან გიბზმა და ადამ ჯონსონმა, რომელიც ჩამოთვლილი არსენალელებისგან განსხვავებით "მანჩესტერ სიტის" ფეხბურთელია.
უილშერისა ძალიან ეიმედება ვეტერან ფეხბურთელს ტრევორ ფრენსისს:
"ჯეკ უილშერი ძალიან ნიჭიერი ფეხბურთელია. ის უკვე თამაშობს იმ დონეზე, რომ ნაკრებში ადგილი დაიმკვიდროს".
