ჯეკ უილშირი ჯერ 21 წლის არის, მაგრამ უკვე იმდენი ტრავმა გადაიტანა, ვეტერანებს, შესაძლოა, კარიერის განმავლობაში არ გამოუცდიათ ამდენი. ჯეკს მთელი ქვეყანა იმედის თვალით შესცქერის და როდესაც მის თავს რაღაც ხდება, ამაზე მარტო "მეთოფეთა" გულშემატკივრები არ ნერვიულობენ. სამშობლოში ის იმ იშვიათ ფეხბურთელთა რიცხვს მიეკუთვნება, ვინც საყოველთაო სიყვარულით სარგებლობს. უქმეებზე "ნორვიჩთან" ძირითად შემადგენლობაში თვეზე მეტი პაუზის შემდეგ უილშირის ხილვა ცოტა მოულოდნელი იყო. როგორც შემდეგ აღმოჩნდა, სამწვრთნელო შტაბს ესმოდა, რომ ამ ნაბიჯით რისკზე მიდიოდა. რაც მთავარია, ყველაფერმა მშვიდობიანად ჩაიარა.
"მოხარული ვარ, რომ ტრავმის
არსენ ვენგერი გამოტყდა, რომ "იადონებთან" შეხვედრის დაწყებამდე ექიმები წინააღმდეგნი იყვნენ უილშირის თამაშის, მაგრამ: "ჯეკი ბრძოლაში იმაზე ადრე ჩავრთე, ვიდრე რეკომენდაცია მქონდა. ვგრძნობდი, რომ ფეხბურთელი სათამაშოდ მზად იყო. ცხადია, ექიმების აზრს ვითვალისწინებ, მაგრამ ამჯერად ჩემს გამოცდილებას დავეყრდენი, რადგან უილშირს 16 წლიდან ვწვრთნი და კარგად ვიცი, როგორ რეაგირებს მისი ორგანიზმი დატვირთვებზე. თანაც, მან პირადად დამარწმუნა, რომ თავს კარგად გრძნობდა. სწორედ ამის შემდეგ მივიღე გადაწყვეტილება".
ყოველდღიური სპორტული გაზეთი "ლელო"
ასევე იხილეთ:
ჯეკ უილშირი: მადლობა დახმარებისთვის
