არადამაკმაყოფილებელი შედეგების გამო "ჩელსიმ" 2012 წლის ჩემპიონთა ლიგის ტრიუმფატორ რობერტო დი მატეოს 20 ნოემბერს კარისკენ მიუთითა და მეორე დღესვე გუნდი რაფა ბენიტესს ჩააბარა. ესპანელს თავიდანვე განუმარტეს, რომ ის "ჩელსიში" მხოლოდ სეზონის ბოლომდე იმუშავებდა. შემოდგომიდან მოყოლებული, ვინ აღარ დასახელდა ლონდონელთა მომავალ მთავარ მწვრთნელად, მაგრამ რაფაზე სიტყვა არავის დაუძრავს.
"ტოპ-კლუბში ვმუშაობ და ჩემ გარშემო შექმნილი ვითარების გათვალისწინებით, მოვალეობებს ღირსეულად ვართმევ თავს.
პრემიერლიგაში სამეულში მოხვედრის მშვენიერი შანსი გვაქვს. ამას გარდა, ევროპალიგის მოგებაც შეგვიძლია.
როგორ წარმომიდგენია საკუთარი მომავალი? მოდი, ამაზე სეზონის დასრულების შემდეგ ვილაპარაკოთ,
ყოველდღიური სპორტული გაზეთი "ლელო"
