თავად ჟოზემ სამადლობელ სიტყვებში მადლობა გადაუხადა აწ განსვენებულ ბობი რობსონს და განაცხადა, რომ მწვრთნელად სწორედ მისი წყალობით ჩამოყალიბდა.
"ძალიან გამიმართლა, მასთან ერთად მუშაობის საშუალება რომ მომეცა. ფაქტობრივად, ბავშვი ვიყავი და ფეხბურთში ბევრი არაფერი გამეგებოდა, როცა განგებამ ბობი
კრუიფი აფელაის აქებს
იოჰან კრუიფის აზრით, იბრაჰიმ აფელაი "ბარსელონას" დიდ სარგებლობას მოუტანს. "დარწმუნებული ვარ, აფელაის კლასი ისეთ დიდ კლუბსაც კი შეესაბამება, როგორიც "ბარსელონაა". ამ ბიჭს მოედანზე განსხვავებული ამოცანების გადაწყვეტა შეუძლია, ძალიან ტექნიკური და მოაზროვნეა. ალბათ, ადაპტაციისთვის გარკვეული დრო დასჭირდება, მაგრამ მჯერა, იგი "ბარსასთვის" შეუცვლელ მოთამაშედ იქცევა", - ამბობს ჰოლანდიური და მსოფლიო ფეხბურთის ლეგენდა.
ფაბიანოს პაუზა
ლუიშ ფაბიანო პრიმერა დივიზიონის გასულ ტურში, "მალიორკასთან" მატჩში დაშავდა და როგორც სამედიცინო გამოკვლევებმა უჩვენა, თამაშს სამი კვირის განმავლობაში ვერ შეძლებს. შესაბამისად, უკვე ცნობილია, რომ "სევილიას" ბრაზილიელი ფორვარდი ესპანეთის ჩემპიონატში "ხეტაფესა" და "ვილიარეალის", ხოლო ევროპის ლიგის ჯგუფურ ეტაპზე პსჟ-ის წინააღმდეგ ვერ ითამაშებს. "მალიორკასთან" შეხვედრაში მიკროტრავმები "სევილიას" კიდევ ორმა ფეხბურთელმა, ფედერიკო ფაციომ და ლაუტარო აკოსტამ მიიღეს, მაგრამ ისინი მომდევნო მატჩისთვის მზად იქნებიან.
დამნაშავე მე ვარ მხოლოდ
ვისენტე დელ ბოსკემ არგენტინასა და პორტუგალიასთან განცდილ გამანადგურებელ მარცხებზე პასუხისმგებლობა იკისრა. "ამ მატჩებისგან უმნიშვნელოვანესი გაკვეთილები მივიღეთ და დარწმუნებული ვარ, იქ დაშვებულ შეცდომებს მომავალში აღარ გავიმეორებთ. არ შეიძლება შეხვედრაში ბოლომდე არ დაიხარჯო მარტო იმიტომ, რომ იქ ქულები არ თამაშდება. მომხდარში ბრალი მხოლოდ და მხოლოდ მე მიმიძღვის, რადგან ფეხბურთელებისთვის მოტივაციის ამაღლება ვერ შევძელი", - განაცხადა მსოფლიოს ჩემპიონთა თავკაცმა.
