"მანჩესტერ იუნაიტედის" ყოფილმა მწვრთნელმა სერ ალექს ფერგიუსონმა გაამხილა, რომ მან ურჩია კლუბის ხელმძღვანელობას 2009 წელს, კრიშტიანო რონალდოს სანაცვლოდ, მადრიდის "რეალისთვის" 150 მილიონი ევრო მოეთხოვათ და დარწმუნებულია, რომ მადრიდელთა პრეზიდენტი ფლორენტინო პერესი აღნიშნულ თანხას გადაიხდიდა.პორტუგალიელი შემტევი ფეხბურთის ისტორიაში ყველაზე ძვირად ღირებული ფეხბურთელი გახდა, როდესაც მასში "რეალმა" 80 მილიონი ევრო გადაიხადა და ფერგიუსონს სჯერა, რომ მათ შეეძლოთ, რონალდოში თითქმის 2-ჯერ მეტი თანხა აეღოთ.
ლეგენდარულმა შოტლანდიელმა სპეციალისტმა მწუხარება გამოთქვა იმის გამო, რომ "მანჩესტერის" იმჟამინდელმა აღმასრულებელმა დირექტორმა დევიდ ჯილმა არ გაითვალისწინა მისი რჩევა.
