არსენალელი ბაკარი სანიას წინააღმდეგ ორჯერ უხეშობის გამო "ბირმინგემის" ნახევარმცველი ლი ბოიერი შეიძლება ექვსთამაშიანი დისკვალიფიკაციით დასაჯონ. საინტერესოა, რომ მსაჯ პიტერ უოლტონს ხსენებული ინციდენტებიდან არც ერთი არ დაუნახავს, თუმცა სატელევიზიო ჩანაწერში ყველაფერი ცხადად ჩანს. ერთი სიტყვით, ბოიერს სანიასთან "ვაჟკაცობა" შეიძლება ერთბაშად ორ წითელ ბარათად შეუფასონ. ცნობისათვის: ლი ბოიერი პრემიერლიგის ისტორიაში ყველაზე უხვყვითლიანი ფეხბურთელია. ის 98-ჯერ გააფრთხილეს.ჟურნალისტებმა კომენტარისთვის "მეთოფეთა" თავკაცს არსენ ვენგერს მიმართეს. მწვრთნელმა ბრძანა: "არ მინდა ამ საკითხზე ვილაპარაკო, რადგან ჩანაწერი არ მინახავს".
