ტურინის "იუვენტუსის" მთავარმა მწვრთნელმა ანტონიო კონტემ "რომასთან" (4:0) მისი გუნდის გამარჯვებაზე ისაუბრა."ყველას გვიხარია, რომ ასეთი ლამაზი გამარჯვება მოვიპოვეთ. გუნდი თამაშისთვის კარგად განეწყო.
ჩემი ფეხბურთელები კვლავ მაოცებენ. ეს დიდი გუნდია, რომელიც დიდ სამუშაოს ასრულებს.
მადლობა ყველას. დღეს ჩემპიონობისკენ კიდევ ერთი ნაბიჯი გადავდგით, მაგრამ კიდევ ხუთი თამაში წინ რჩება. ჩვენ მეტოქეებს არ უნდა ვუყუროთ, საკუთარ თავს უნდა დავაკვირდეთ. ახლა ყველაფერი ჩვენს ხელშია", - თქვა კონტემ.
