"მილანის" ნახევარმცველი კევინ პრინს-ბოატენგი შესაძლოა კლუბმა ზაფხულში ტრანსფერზე დააყენოს.ფეხბურთელის გაყიდვის შემდეგ "როსონერი" ფინანსური მდგომარეობის გაუმჯობესებას ვარაუდობს.
იტალიელების ასეთ შესაძლო გადაწყვეტილებას სამი მიზეზი აქვს: პირველ რიგში, ბოატენგის ტრანსფერი 16-18 მილიონ ევროდ ფასდება; მეორე: მას სულ ტრავმები აწუხებს და მესამე, გუნდის მთავარ მწვრთნელს მასიმილიანო ალეგრის ფეხბურთელის დისციპლინასთან დაკავშირებით ბევრი კითხვა დაუგროვდა.
გარდა ამისა, ბოატენგი "მილანში" ერთ-ერთი ძვირად ღირებული ფეხბურთელია.
ამავე დროს კლუბი ტიაგო სილვას გაყიდვას არ აპირებს, ხოლო ზლატან იბრაჰიმოვიჩის 30-მილიონიან ტრანსფერს ბევრი ვერ შეეჭიდება; თან შვედის 9-მილიონიან ხელფასსაც თუ გავითვალისწინებთ.
მომზადებულია Corriere dello Sport-ის მიხედვით
