ტურინის "იუვენტუსის" მთავარ მწვრთნელს, ანტონიო კონტეს ღრმად სწამს, რომ მის გაწვრთნილებს შესწევთ ძალა მიმდინარე სეზონში ჩემპიონის ტიტული მოიპოვონ. "ყოველთვის ვამბობდი, რომ "მილანი" ბრწყინვალე გუნდია, თუმცა ამ დროისთვის ორგანიზებულობის მხრივ ჩვენ ვჯობივართ.
ამ სეზონის ბოლოს ტიტულს ის გუნდი მოიგებს, რომელიც ამას ყველაზე მეტად იმსახურებს. თუმცა, გადაწყვეტილი ჯერ არაფერია. აშკარაა, "მილანი" კუდში მოგვდევს და უბრძოლველად არაფერს გვითმობს.
მჯერა თუ არა, რომ შევძლებთ გაჩემპიონებას? ჩემი გუნდის თამაშის შემხედვარე, ამის ნამდვილად მწამს", - განაცხადა კონტემ.
