ტურინის "იუვენტუსის" გენერალურმა დირექტორმა ჯუზეპე მაროტამ იმ ამოცანებზე ისაუბრა, რომლებიც გუნდის წინაშე დგას."ჩვენი კლუბის ემბლემა იმაზე მუშაობას გვაიძულებს, რომ ჩემპიონთა ლიგა მოვიგოთ. თუმცა ამ ტურნირზე გამარჯვება ბევრ ფაქტორზეა დამოკიდებული - ეს ლონდონის "ჩელსის" მაგალითზეც ჩანს.
იტალიის ჩემპიონატში გამარჯვება შესანიშნავი და მოულოდნელად დამაჯერებელი იყო.
ჩვენ სკეპტიკოსები გავაჩუმეთ, რომლებიც წარსულში დაუმსახურებლად გვაკრიტიკებდნენ.
"იუვენტუსი" ყოველთვის გამარჯვებებისთვის იბრძოლებს", - თქვა მაროტამ.
