ფრანჩესკო ტოტი რეკორდს რეკორდზე ხსნის და მისი ავტორიტეტიც სულ უფრო და უფრო იზრდება. იტალიელმა ჟურნალისტებმა "რომას" ლიდერს და ცოცხალ ლეგენდას მსოფლიოს წამყვან ფეხბურთელთა დახასიათება და მათ ფონზე, საკუთარი თავის შეფასება სთხოვეს. ტოტიმ კოლეგები საკმაოდ საინტერესოდ დაახასიათა...
მარიო ბალოტელი
ახალი არაფერია იმაში, რომ მარიო უდიდესი ტალანტია და ყველაფერი მის ხელშია. მთავარია, ასევე გააგრძელოს, ბევრი იშრომოს და უდიდეს სიმაღლეებს დაიპყრობს.
ბალოტელი რაღაცით მგავს კიდეც - საკუთარ თავზე, ხასიათზე ბევრი ვიმუშავე და ასე უნდა მოიქცეს მარიოც. ვატყობ, ხშირად თამაშის დროსაც პუბლიკაზე ფიქრობს, რაც
გარეთ ბეილი
მარცხენა ფრთაზე გარეთ ბეილს ალტერნატივა არ ჰყავს და ის უდავოდ უძლიერესია. ასეთი სწრაფი ფეხბურთელი, გოლის გატანის და დრიბლინგის იშვიათი ნიჭით, სხვა ნამდვილად არ მახსენდება. თუმცა, მგონია რომ ასე დიდ ხანს ვერ გაგრძელდება და ბეილი სადღაც გაჩერდება.
უელსელის მთავარი კოზირი სისწრაფეა, რაც წლებთან ერთად მიდის და ამას ვერსად გავექცევით. გარეთი იმ ფეხბურთელთა კატეგორიას მიეკუთვნება, რომლებიც დაახლოებით 4-5 წლის განმავლობაში ბრწყინავენ. თუმცა ფაქტია, დღეს ბეილი საუკეთესო მოთამაშეთა ხუთეულში შედის.
ზლატან იბრაჰიმოვიჩი
პირველი, რაც ზლატან იბრაჰიმოვიჩთან დაკავშირებით თავში მომდის, ეს არის: პროფესიონალიზმი... იბრა გამოდის მოედანზე, თავის საქმეს იდეალურად აკეთებს და სახლში ვალმოხდილი მიდის. ასეთი განცდა მაქვს და არა მგონია ვცდებოდე.
უდიდესი ვირტუოზია და მისი თამაშის ყურება ერთ რამედ ღირს. ყოველთვის დასანანია, როდესაც იბრას დონის მოთამაშეები კარიერას ასრულებენ და იმედია, კიდევ დიდ ხანს ითამაშებს ფეხბურთს.
კრიშტიანო რონალდო
რონალდოს შესახებ ადრე ერთი მოსაზრება წავიკითხე, რომელიც ყველაზე მეტად მომეწონა... კრიშტიანო კომპიუტერული ფეხბურთის საუკეთესო მოთამაშეს გავს - ათლეტური აღნაგობის, უმაღლესი სისწრაფით, უძლიერესი და უზუსტესი დარტყმით, რომლის შეჩერებაც ფაქტობრივად შეუძლებელია.
მოკლედ, ვირტუალურ სამყაროში რონალდო უდავოდ საუკეთესოა, რეალურ ცხოვრებაში კი ერთ-ერთი საუკეთესო.
ლიონელ მესი
ლიონელ მესი ერეთადერთი მოქმედი ფეხბურთელია, რომელიც თავისი თამაშით მაკვირვებს და მაოცებს. მხოლოდ მესი აკეთებს მოედანზე იმას, რასაც ვერასდროს გავიმეორებ. ლიონელი ფენომენია და არა თუ თანამედროვეობის, შესაძლოა ყველა დროის საუკეთესო ფეხბურთელი. მესი ის ფეხბურთელია, ვის მხარდამხარაც უდიდესი სიამოვნებით ვითამაშებდი, თუმცა ეს რომ უტოპიაა, კარგად მესმის.
ყოველდღიური სპორტული გაზეთი "ლელო"
ასევე იხილეთ:
ფრანჩესკო ტოტი: მსოფლიოში ჩემზე მაგარი მხოლოდ ლიონელ მესია
