ტურინის "იუვენტუსის" მთავარმა მწვრთნელმა ანტონიო კონტემ განაცხადა, რომ მისი გუნდი ვალდებულია ჩემპიონობა "პალერმოსთან" სერია A-ს 35-ე ტურის მატჩშივე გაიფორმოს.ტურინელები "პალერმოს" 5 მაისს დაუპირისპირდებიან.
"ვალდებული ვართ სკუდეტო ხვალვე მოვიგოთ. აღარ არის საჭირო ბევრი ლაპარკი, არავითარი - "მაგრამ" და "თუ"...
სეზონი რთული და დაძაბული გამოვიდა, თუმცა ჩვენ ცხრილის სათავეში ადგილი ჩემპიონატის დასაწყისიდან ბოლომდე არ დავთმეთ. ეს დიდი იშვიათობაა, მაგრამ ბრწყინვალე მიღწევაა.
ბოლო ორი წლის განმავლობაში იმაზე მეტს მივაღწიეთ, ვიდრე ჩვენგან ელოდნენ. ამისთვის მადლობა კლუბში ყველას და თითოეულს ეკუთვნის - პრეზიდენტ ანდრეა
ვენდობი ჩემს ფეხბურთელებს და ხშირადაც ვეკითხები მათ აზრს სხვადასხვა საკითხებზე.
როდესაც კლუბში მოვედი, ბევრი ვარაუდობდა, რომ ევროპალიგის საგზურისთვის მებრძოლი გუნდი ვიქნებოდით. თუმცა დღეს ზედიზედ მეორე საჩემპიონო ტიტულის მოპოვებასთან ვართ.
"იუვენტუსმა" ყველა მოლოდინს გადააჭარბა იმის გათვალისწინებით, რომ მაქსიმალურ შედეგებს მივაღწიეთ", - აღნიშნა კონტემ.
ასევე იხილეთ:
სერია A. XXXV ტურის წინ: ტურინში ზეიმისთვის ყველაფერი მზადაა
