სერია A. ბოლო ტური: 25 მოგება 26 მატჩში, ის, რასაც ვერავინ გაიმეორებს [VIDEO]

14 მაისს იტალიის სერია A-ს ბოლო ტურის 4 შეხვედრა გაიმართა.

ტურინში "იუვენტუსმა" 5 უპასუხო გოლი გაუტანა "სამპდორიას". აღსანიშნავია, რომ ერთ-ერთი გოლი ჯორჯო კიელინიმ შეაგდო, რომელიც ტურინულ გუნდში მე-400 თამაშს ატარებდა. კიდევ ორი გოლია მცველების ანგარიშზე, თავი პატრის ევრამ და ლეონარდო ბონუჩიმ გამოიჩინეს, ხოლო შემტევმა პაულო დიბალამ დუბლი შეასრულა.


"იუვემ" ჩემპიონატი 91 ქულით და ზედიზედ მეხუთე სკუდეტოთი დაასრულა. ამ გუნდმა ჩემპიონატის რეკორდი გაიმეორა - 22-ჯერ შეინახა კარი მშრალად. აქამდე რეკორდი მხოლოდ "მილანს" ეკუთვნოდა (1993/94 სეზონი).

მასიმილიანო ალეგრი (იუვენტუსი): "ვფიქრობ, ჩვენ ამ შედეგს - 26 მატჩში 25 გამარჯვებას ვეღარავინ გაიმეორებს, ვერც ჩვენ. განსაკუთრებით "იუვეს" რვა წევრს მინდა მოვულოცო, რომელთაც ზედიზედ მეხუთე სკუდეტო მოიგეს".

"ნაპოლიმ" გავარდნილ "ფროზინონეს" 4 უპასუხო გოლი გაუტანა, ხოლო გონსალო იგუაინმა ჰეთ თრიკი შეასრულა და 36 გოლით ბომბარდირი გახდა. იგუაინმა გუნარ ნორდალის რეკორდი (მილანი, 1949/50) დაამხო, რომელმაც 66 წელიწადი გაძლო (35 გოლი).


"მილანმა" შინ 1:3 წააგო "რომასთან".


"სასუოლომ" შინ 3:1 მოუგო მილანის "ინტერს".

იუვენტუსი-სამპდორია 5:0
გოლები: 1:0 ევრა (5), 2:0 დიბალა (15-პენ), 3:0 დიბალა (37), 4:0 კიელინი (77), 5:0 ბონუჩი (85)
გაძევება: შკრინიარი (14. სამპდორია)

ნაპოლი-ფროზინონე 4:0
გოლები: 1:0 ჰამშიკი (44), 2:0 იგუაინი (52), 3:0 იგუაინი (62), 4:0 იგუაინი (71)
გაძევება: გორი (13. ფროზინონე)

სასუოლო-ინტერი 3:1
გოლები: 1:0 პოლიტანო (6), 2:0 პელეგრინი (26), 2:1 პალასიო (31), 3:1 პოლიტანო (39)
გაძევება: მურილიო (59. ინტერი)

მილანი-რომა 1:3
გოლები: 0:1 სალაჰი (19), 0:2 ელ შაარავი (59), 0:3 ემერსონი (82), 1:3 ბაკა (86)

კვირა. 15 მაისი
ჯენოა-ატალანტა 20:00
კიევო-ბოლონია 20:00
ემპოლი-ტორინო 20:00
უდინეზე-კარპი 22:45
ლაციო-ფიორენტინა 22:45
პალერმო-ვერონა 22:45

1. იუვენტუსი - 91 ქულა; 2. ნაპოლი - 82; 3. რომა - 80; 4. ინტერი - 67; 5. სასუოლო - 61.