ზალცბურგის “რედ ბულის” ჰოლანდიელი თავკაცი ჰუუბ სტევენსი გუშინ დაკავებული თანამდებობიდან გადადგა. ანალოგიური ნაბიჯი გადადგა კლუბის გერმანელმა სპორტულმა დირექტორმა დიტმარ ბაიერსდორფერმა. კლუბმა მათი შემცვლელები მალევე დანიშნა. სეზონის ბოლომდე გუნდს რიკარდო მონიცი გაუძღვება, ხოლო ბაიერსდორფერს ხორვატიის ნაკრების ყოფილი ფეხბურთელი ნიკო კოვაჩი შეცვლის. კლუბის განცხადებით ყველაფერი ურთიერთშეთანხმებით მოხდა, თუმცა უთანხმოების მიზეზებზე არც ერთი მხარე კომენტარს არ აკეთებს.
