კეირუშის გაშვებას მიზეზები ჰქონდა. ქვეყნის სპორტულ ხელისუფლებასთან ამ სპეციალისტს ურთიერთობა ჯერ კიდევ ზაფხულის დასაწყისში გაუფუჭდა. აი, როგორ იყო საქმე: ნაკრების მუნდიალისწინა საწვრთნელ ბაზას პორტუგალიის ანტისადოპინგო კომიტეტის თანამშრომლები ესტუმრნენ და მათი ამ ვიზიტის მიზანი რამდენიმე ფეხბურთელის დოპინგ-სინჯის აღება გახლდათ, მაგრამ კეირუშს არ მოეწონა ის ფაქტი, რომ დოპინგთან მებრძოლები ბაზაზე დილაადრიანად გამოცხადდნენ და
მაგრამ კეირუშის პრობლემები არც ამით შემოიფარგლა. სულ რამდენიმე დღეში ანტისადოპინგო კომიტეტმა კარლუშს უფრო მასშტაბურად დარტყმა მიაყენა – მწვრთნელს ნახევარწლიანი დისკვალიფიკაცია დააკისრა. პორტუგალიის სპორტის ინსტიტუტმა ხსენებული ინციდენტის საკუთარი გამოძიება ჩაატარა და დაადგინა, რომ კეირუშმა თავს არათუ კომიტეტის თანამშრომლების გინების უფლება მისცა, არამედ ერთ-ერთ მათგანს სინჯის აღებაში ხელიც კი შეუშალა.
საწყისი დისკვალიფიკაციის გამო კეირუშს კვიპროსთან (4:4) და ნორვეგიასთან (0:1) მატჩების გამოტოვება მოუწია - პორტუგალიის ნაკრებს მისი ასისტენტი აგოშტინიუ ოლივეირა ხელმძღვანელობდა.
ექსპერტები და საქმეში ჩახედული პირები ამბობენ, რომ კეირუშის თანამდებობიდან გაშვება არა მხოლოდ მის დისკვალიფიკაციას უკავშირდება, არამედ გუნდის არადამაკმაყოფილებელ გამოსვლას სამხრეთ აფრიკაში გამართულ მსოფლიოს ჩემპიონატსა და ევრო-2012-ის შესარჩევი ციკლის სასტარტო მატჩებში.
