მიუნხენის "ბაიერნი" მსოფლიოს საკლუბო ჩემპიონატის ფინალშია [VIDEO]

როგორც მოსალოდნელი იყო, მიუნხენის "ბაიერნმა" ჩინეთის ჩემპიონატის და აზიის ჩემპიონთა ლიგის გამარჯვებული "გუანჯოუ ევერგრანდი" საკმაოდ იოლად დაამარცხა და საკლუბო მუნდიალის ფინალში გავიდა.

პეპ გვარდიოლას გუნდის რიგებიდან გოლები ფრანკ რიბერიმ, მარიო მანჯუკიჩმა და მარიო გიოტცემ გაიტანეს.

სამივე ბურთი შეხვედრის 7-წუთიან მონაკვეთში გავიდა, მაგრამ გერმანელთა უპირატესობა ეჭვქვეშ ერთი წამითაც არ დამდგარა, რაზეც სტატისტიკაც მოწმობს.

მიუნხენელთა მეტოქე 18 დეკემბერს, "რაჯა კასაბლანკას" და "ატლეტიკო მინეიროს" შეხვედრაში გაირკვევა.

მსოფლიოს საკლუბო ჩემპიონატი. 1/2-ფინალი
გუანჯოუ-ბაიერნი 0:3
გოლები: 0:1 რიბერი (40), 0:2 მანჯუკიჩი (44), 0:3 გიოტცე (47)
გუანჯოუ (4-1-4-1): ჟენგ ჩენგი - ჟანგ ლინპენგი, ფენგ სიაოტინგი, იუნ-გვონ კიმი, სუნ სიანგი - ჟენგ ჟი - ჟაო სური (76. ფენგ ჯუნიანი), კონკა, ჰუანგ ბოვენი (46. რონგ ჰაო), მურიკი (72. გაო ლინი) - ელკესონი
ბაიერნი (4-1-4-1): ნოიერი - რაფინია, ვან ბუიტენი, ჯ. ბოატენგი, ალაბა - ლამი - გიოტცე, ტიაგო ალკანტარა, კროოსი (58. ხავი მარტინესი), რიბერი (72. შაჩირი) - მანჯუკიჩი (75. პისარო)
გაფრთხილება: ჟაო სური
კუთხური: 1-9; ჯარიმა: 14-11; თამაშგარე: 2-4; კარში დარტყმა: 2-27 (0-13); ბურთის ფლობა: 28%-72%
მაყურებელი: 27 311

ყოველდღიური სპორტული გაზეთი "ლელო"