12:52 Guardian-ი წერს, რომ "მანჩესტერ იუნაიტედმა" დახურა ამ ზაფხულს ჰარი კეინის თემა. "ტოტენჰემი" ძალიან ბევრს ითხოვს.12:56 ინგლისური პრესის ცნობით, ჯოი ბარტონის გადასვლა "ქუინზ პარკიდან" "ვესტ ჰემში" - სპეკულაციაა.
13:05 "არსენალი" დაინტერესებულია "სევილიის" ნახევარმცველით, გჟეგოჟ კრიხოვიაკით. ინტერესის ფასია 22 მილიონი გირვანქა, - წერს Daily Telegraph-ი.
13:13 კლინტონ ნ'ჯიე, როგორც ჩანს, მაინც გაემგზავრება ინგლისში. "ტოტენჰემმა" 17 მილიონი შესთავაზა "ლიონს" და ფრანგებმა მიიღეს ეს წინადადება. L"Equipe-ი წერს, რომ ფეხბურთელი ამ კვირას ჩავა ლონდონში მოსალაპარაკებლად.
13:44 "ჩელსიში" რაჰმან ბაბას ტრანსფერის ნაწილი შეიძლება გახდეს
14:12 Calciomercato წერს, რომ "რომას" სჭირდება დაცვის გაძლიერება და უკვე იპოვა შესაფერისი ვარიანტები. "მილანში" გადასული რომანიოლი შეიძლება შეცვალოს სამუელ უმტიტიმ "ლიონიდან" ან მამადუ საკომ "ლვერპულიდან".
14:17 მატია დესტრო ვერაფრით ახერხებს "ბოლონიაში" გადასვლას, სადაც მას წელიწადში 1.5 მილიონს სთავაზობენ, თავად ფორვარდს კი 1.8 მილიონი სურს.
14:24 Ruhr Nachrichten-ის ინფორმაციით, ფელიპე სანტანა "ტრაბზონში" გადადის. თურქებმა უკვე გამართეს მოლაპარაკებები "შალკესთან".
14:36 შემდგარი ტრანსფერი: "აინტრახტმა" გამოაცხადა 20 წლის სერბის, მიჰათ გაჩინოვიჩის ტრანსფერის შესახებ. კონტრაქტის ხანგრძლივობა ოთხი წელია. ფეხბურთელი "ვოივოდინაში" თამაშობდა.
14:41 "იუვენტუსი" ნახევარდაცვის გაძლიერებას გეგმავს იულიან დრაქსლერით და რამირესით. ტურინელები შესაბამისი კლუბებისთვის სპეციალურ შეთავაზებებს ამზადებენ.
14:45 "მარსელი" ისევ მწვრთნელის ძიებაშია და ხორხე სამპაოლის მიწვევა სურს, მაგრამ ჩილეს ფეხბურთის ფედერაცია 11 მილიონ ევროს ითხოვს.
15:22 "მანჩესტერ სიტი" არ ეშვება დე ბრუინზე ფიქრს და გარდა იმისა, რომ 46 მილიონ გირვანქას იხდის, თავად ფეხბურთელს მიმართა, რომ "ვოლფსბურგის" შეფობა დაიყოლიოს ტრანსფერზე.
15:29 Manchester Evening News-ი იტყობინება, რომ ვიქტორ ვალდესი ვერ მოხვდა "მანჩესტერ იუნაიტედის" საჩემპიონთალიგო განაცხადში.
15:32 ჩიჩარიტოსთვის ბრძოლაში ჩაება "ტორინოც", მაგრამ გუნდს მექსიკელის გადაბირების მცირე შანსი აქვს.
15:34 უნგრელ ბალაჟ ჯუჯაკს "ჰერტაში" გადასვლას უწინასწარმეტყველებდნენ, მაგრამ ფეხბურთელი სტამბოლში აღმოჩნდა და მალე "ბურსასთან" გააფორმებს კონტრაქტს.
15:38 A Bola წერს, რომ ნიკოლას გაიტანის გადასვლა "ბენფიკადან" "მანჩესტერ იუნატედში" სულ მალე შედგება. ინგლისური კლუბი 28 მილიონს იხდის.
16:08 Evening Standard-ი წერს, რომ მოურინიო არ აპირებს რამირესის "იუვენტუსში" გაშვებას.
16:20 "შალკე" კი იტყობინება იმის შესახებ, რომ მხოლოდ "ასტრონომიულ ფასად" გაყიდის დრაქსლერს.
16:41 Liverpool Echo წერს, რომ ფაბიო ბორინი დათანხმდა "ლივერპულის" დატოვებას და იტალიაში ბრუნდება. თავდაპირველად, ფეხბურთელით "ფიორენტინა" იყო დაინტერესებული, მაგრამ ახლა ჭორებში "ინტერს" იხსენიებენ.
16:45 Nieuwsblad-მა გამოაქვეყნა დე ბრუინის "მანჩესტერ სიტიში" სავარაუდო ხელფასის მონაცემები - 320 ათასი ევრო კვირაში. უფრო ზუსტად, 16.6 მილიონი წელიწადში!
17:08 შემდგარი ტრანსფერი: "სუონსიმ" ორი წლით გაიფორმა "არსენალის" ყოფილი მეკარე ჯოშ ვიკერსი. ეს ბიჭი 19 წლისაა და წინ სერიოზული კონკურენცია ელოდება.
17:11 ESPN წერს, რომ "ვესტ ჰემი" დაინტერესებულია "ლივერპულის" ნახევარმცველით, ლუკაშ ლეივათი.
17:23 Daily Mail-ი წერს, რომ "ასტონ ვილა" დათანხმდა "ბარსელონას" მოთხოვნებს ადამ ტრაორეს ტრანსფერთან დაკავშირებით. 19 წლის ბიჭში 12 მილიონ გირვანქას იხდიან.
17:27 The Telegraph-ი კი "ასტონ ვილაზე" ცუდს წერს. არ შედგება"ტოტენჰემიდან" ადებაიორისა და თაუნსენდის ტრანსფერები. "სპურსი" ძალიან ბევრს ითხოვს, ბირმინგემელებს კი ზედმეტი მილიონები არ აქვთ.
17:28 "ქუინზ პარკი" ვერ ახერხებს ჩარლი ოსტინის 15 მილიონ გირვანქად გაყიდვას. ამიტომაც ფეხბურთელთან ახალი კონტრაქტის გაფორმებას ფიქრობს.
17:33 "პორტუს" მწვრთნელმა ლოპეტეგიმ კლუბის დატოვების ნება დართო ფორვარდ ადრიან ლოპესს. შეგახსენებთ, რომ გასულ წელს ეს ფეხბურთელი მადრიდის "ატლეტიკოდან" პორტუგალიაში 11 მილიონ ევროდ გადავიდა.
17:43 Daily Mail-ის ცნობით, "არსენალის" ერთ-ერთი მეკარე ემილიანო მარტინესი "ვოლფსბურგში" გადავა. გერმანიაში ის იჯარით ითამაშებს.
19:28 შემდგარი ტრანსფერი: "ბეტისმა" გაიფორმა ხუან მანუელ ვარგასი. "ფიორენტინას" ყოფილი ფეხბურთელი ესპანელებს უფასოდ ერგოთ.
19:29 შემდგარი ტრანსფერი: ორიოლ რომეუ 4 მილიონ გირვანქად გადავიდა "ჩელსიდან" "საუთჰემპტონში". ესპანელი გასულ სეზონში იჯარით "შტუტგარტში" თამაშობდა.
19:30 "ტოტენჰემი" უარს ამბობს მიიღოს ნებისმიერი წინადადება მუსა დემბელესთან დაკავშირებით, მაგრამ "სანდერლენდი" არ წყნარდება და 15 მილიონ გირვანქას იხდის.
19:38 "საუთჰემპტონს" ისევ უნდა ვირჯილ ვან დეიკი და კვლავაც ვაჭრობს. "სელტიკი" 10 მილიონ გირვანქას ითხოვს, მაგრამ ინგლისური კლუბი შვიდ მილიონს სთავაზობს.
19:59 Metro წერს, რომ "ჩელსი" უარს არ იტყოდა იგუაინით გაძლიერებაზე, მაგრამ "ნაპოლი" ითხოვს 66 მილიონ გირვანქას.
20:08 შემდგარი ტრანსფერი: ედინ ჯეკო უკვე "რომშია". იჯარა კონტრაქტის შესაძლო გამოსყიდვით, რომლის თანხაც ჯერ არ დასახელებულა.
20:46 "სოშომ" "ნიორიდან" გადაიბირა ფლორიან მარტინი. კონტრაქტი სამწლიანია.
20:54 Sky Sports-ი წერს, რომ "რეინჯერსმა" შეათანხმა "ტოტენჰემთან" ნათან ოდუვასა და დომენინ ბოლის იჯარა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
