საქართველოს ჩემპიონატის მეორე წრის გააქტიურებასთან ერთად სუპერლიგის გუნდები ფორმაში შევიდნენ. თამაშსაც აუმჯობესებენ და რეკორდებსაც. თუ მე-15 ტურში თსუ-მ 149 ქულა ჩააგდო, მე-16 ტურში არაერთი ინდივიდუალური რეკორდი დამყარდა. პარასკევს თსუ-ს ფორვარდმა ილია ლონდარიძემ 40 ქულით ბექა ჩიკვილაძის 37-იანი მაჩვენებელი გააუმჯობესა, ხოლო შაბათს "სოხუმის" უკანახაზელმა იუჯინ ჰარისმა 16 პასით სეზონის რეკორდი დაამყარა. მან გიორგი გაფრინდაშვილის შედეგი სამით გააუმჯობესა. შედეგიან გადაცემებში საქართველოს აბსოლუტური რეკორდი დავით თორთლაძეს ეკუთვნის, რომელმაც 90-იანი წლების შუაში "თორსის" მაისურით 20 პასი შეასრულა.
5 მარტი, თბილისი, სპორტის სასახლე
არმია-აგრარული 81:72
31:14,
არმია: ტუღუში (10ქ, 10მ, 8პ), ბოისა (14ქ, 6მ, 3პ), პირველაშვილი (5ქ), შარაბიძე (2ქ), ათუაშვილი (4ქ, 5მ, 2დ), ბაქრაძე (6ქ), ბაბიაშვილი (17ქ), მოსეშვილი (10ქ), ათანელიშვილი (8ქ, 8მ), ბ. ბერიშვილი (7ქ, 5ჩ, 5პ), მინაშვილი (4ქ).
აგრარული: ტეტელაშვილი (3ქ), ბააკაშვილი (5ქ), ნანიტაშვილი (2ქ), სიგუა (3პ), ჩაჩანიძე (23ქ, 4ჩ, 3პ), ხანიაშვილი (13ქ, 3ჩ), გემაზაშვილი, ჯავახიშვილი (6ქ, 10მ), მუმლაძე (8ქ, 7მ), არწივიძე (12ქ, 8პ),
მსაჯები: ხ. გაბედავა, დ. არეშიძე
კომისარი: თ. ქიქოძე
სუპერლიგაში შაბათს სამი მატჩი გაიმართა. პირველში "არმიამ" "აგრარული" დაამარცხა. ანგარიშიდანაც ნათლად ჩანს, რომ ძალოვნებს იოლად არ მოუგიათ.
ჩემპიონატის ფავორიტთან მატჩში გია კაზანჯიანის გაწვრთნილმა "აგრარებმა" ბოლომდე იბრძოლეს, პირველი მეოთხედის 14:31 წაგების შემდეგ თამაში გამოასწორეს და მომდევნო ორი პერიოდიც მოიგეს. მესამე ათწუთეულში მეტოქეს სულაც 9 ქულაზე მეტი არ ჩააგდებინეს... თუმცა, ლიდერის, კოტე ტუღუშის გამოკლების მიუხედავად (5 ჯარიმა მიიღო) გამოცდილმა არმიელებმა მატჩის გამარჯვებამდე მიყვანა შეძლეს - 81:72.
სხვათა შორის, კოტეს სამმაგ დუბლამდე ორი პასი დააკლდა: 10 ქულა, 10 მოხსნა, 8 პასი.
ამ მატჩმა აგრარული უნივერსიტეტის გუნდს თვითრწმენა შემატა, ხოლო "არმიას" დაანახვა, რომ პლეი ოფების მოახლოვებასთან ერთად გამარჯვების მოპოვება ერთი-ორად გართულდება.
5 მარტი, თბილისი, სპორტის სასახლე
სტუ-ბათუმი 86:73
20:24, 13:15, 21:23, 32:11
სტუ: ჩიკვილაძე (20ქ, 7მ), ვ. ბერუაშვილი (27ქ, 15მ, 3პ, 4ჩ), გასიტაშვილი (3ქ), ჯანგველაძე (5ქ, 5მ) კობიძე (2ქ), ჭოხონელიძე (2ქ), ლომოური (11ქ, 4პ), მაჩალაძე (7ქ, 6მ, 3პ, 3ჩ), თევზაძე (2ქ), ახალკაცი (7ქ, 5მ).
ბათუმი: რამიშვილი (6ქ), ვ. მაისურაძე (16ქ, 8მ), კეშელავა (12ქ, 13მ, 3პ), ელიაშვილი, ელიაძე, ყველაშვილი (11ქ, 8მ), ჩხატარაშვილი (12ქ, 8მ, 3პ), სანაძე (16ქ, 3ჩ).
მსაჯები: მ. კუპატაძე, დ. ბერიშვილი.
კომისარი: მ. რატიშვილი.
სტუ და "ბათუმი" სატურნირო ცხრილის ქვემოთ არიან, შესაბამისად უშუალო კონკურენტებად ითვლებიან და მათთვის თითოეულ გამარჯვებას "ოქროს" ფასი აქვს.
ამის გათვალისწინებით მატჩი მეტად დაძაბული გამოდგა, არც ერთ გუნდს მოედნის გოჯის დათმობა არ სურდა, თუმცა მეოთხე პერიოდში შორი გზიდან ჩამოსულ ბათუმელებს დაღლა დაეტყოთ, საპირისპიროდ ერთი-ორად უკეთესად ათამაშდნენ ტექნიკოსები, რომლებმაც მეოთხე რაუნდი 32:11 მოიგეს.
წინა ტურში სტუ-ს ერთ-ერთმა ლიდერმა, ვასილ ბერუაშვილმა შეტევაში არადამაჯერებლად ითამაშა (0 ქულა), "ბათუმთან" კი შეუჩერებელი იყო - 27 ქულა (12-დან 7 ორქულიანი, 7-დან 3 სამიანი, 4-დან 4 საჯარიმო), 15 მოხსნა, 3 პასი, 4 ჩაჭრა, 1 დაფარება.
5 მარტი, თბილისი, სპორტის სასახლე
სოხუმი-დინამო 121:74
31:26, 23:12, 31:11, 36:25
სოხუმი: ჰარისი (21ქ, 16პ), ჩლაიძე (17ქ), ანთაძე (17ქ, 7მ), რ. დამუსი (10ქ, 9მ), შანიძე (23ქ, 5მ), სორდია (14ქ, 5მ, 3პ), კანკია (7ქ, 7პ, 6ჩ), კ. დამუსი (12ქ, 10მ, 3დ), კვარაცხელია.
დინამო: ივანეიშვილი (20ქ, 3პ, 3ჩ), თვაური (15ქ, 5მ), თავამაშვილი (9ქ), პატარაია (9ქ, 3პ, 3ჩ), გლუნჩაძე (2ქ), ცაგარეიშვილი, ალხანაიძე (6ქ, 8მ), ჩაველაშვილი (8ქ, 7მ, 7პ), შალიკიანი (5ქ), ცაგარეიშვილი.
მსაჯები: მ. კუპატაძე, ზ. მალაჩაძე
კომისარი: რ. ხომერიკი.
"სოხუმმა" "დინამო" დაამარცხა. ეს წინასწარ იყო მოსალოდნელი, თუმცა საინტერესო იყო პირველი ტაიმის შემდეგ ფოლების რაოდენობის გადახედვა: სოხუმელთა სამ ლიდერს ძმებ დამუსებსა და ჩლაიძეს 4-4 ჯარიმა ჰქონდათ. ამ ფაქტს გუნდის ლატვიელი მწვრთნელი, აინარს ბაგაცკისი მატჩის შემდეგ გამოეხმაურა - დაცვაზე სერიოზულად ვმუშაობთ, მაგრამ დღეს, პირველ ტაიმში ჩემი გუნდის გარჯით უკმაყოფილო ვარ, სამ კალათბურთელს 4-4 ჯარიმა ჰქონდა, რაც დაუშვებელიაო.
საწყის 20 წუთში "სოხუმის" ლეგიონერ იუჯინ ჰარისს 9 პასი ჰქონდა და დიდი ალბათობა იყო იმისა, რომ გაფრინდაშვილის 13-პასიანი რეკორდი გაეუმჯობესებინა. საბოლოოდ რამდენი შედეგიანი გადაცემა შეასრულა იუჯინმა, შესავალში მოგახსენეთ. იგი გამარჯვებულთა შორის საუკეთესო იყო და "სოხუმის" ხელმძღვანელობის მიერ დაწესებული ვალერი ჯგერენაიას სახელობის თასიც გადაეცა. ანალოგიური ჯილდო ერგო "დინამოს" ბომბარდირ ირაკლი ივანეიშვილს - 20 ქულა.
გუნდი თ მ წ სხ ქ
1. არმია 14 13 1 1226/957 27
2. თსუ 15 12 3 1386/1208 27
3. შსს 14 10 4 1230/1053 24
4. ქუთაისი 14 10 4 1149/1002 24
5. სოხუმი 15 9 6 1213/1136 24
6. ენერჯი 15 7 8 1060/1128 22
7. სტუ 15 5 10 1203/1281 20
8. ბათუმი 14 5 9 1090/1153 19
9. აგრარული 15 4 11 1063/1234 19
10. სამედიცინო 14 4 10 1032/1059 18
11. დინამო 15 1 14 1054/1495 16
ტურის მოთამაშე
ბუბა კვიმსაძე (ქუთაისი)
37 წუთი, 16 ქულა, 15 მოხსნა, 10 პასი, 1 ჩაჭრა.
ტურის საუკეთესო მოთამაშის "პოსტზე" პრეტენზიას ოთხი კალათბურთელი აცხადებდა: თსუ-ელი ილია ლონდარიძე, (40 ქულა), სტუ-ელი ვასილ ბერუაშვილი (27 ქულა, 15 მოხსნა), იუჯინ ჰარისი (20 ქულა, 16 მოხსნა) და ბუბა კვიმსაძე...
ვფიქრობთ, სამართლიანად, საუკეთესოდ ბუბა დავასახელეთ. მან სამმაგი დუბლი შეასრულა (16 ქულა, 15 მოხსნა, 10 პასი) და რაც მთავარია - მისი კარგი გარჯა "ქუთაისის" მიერ შსს-ს ძლევის საწინდარი გახდა.
.
