სუპერლიგა. 1/2 ფინალი14 მაისი, თბილისი, სპირტის სასახლე
სოხუმი-არმია 65:71
21:16, 11:22, 13:18, 20:15
სერია მოიგო არმიამ - 3:1
მსაჯები: დ. ბერეკაშვილი, დ. ბერიშვილი
სოხუმი წთ მ პ ფ შ ჩ დ ქ
ფარღალავა 34:42 4 4 3 4 1 0 7
ჰარისი 33:56 5 5 2 0 1 0 8
ჩლაიძე 08:18 1 0 1 0 1 0 0
შანიძე 17:03 2 1 1 0 1 1 2
სორდია 09:54 1 0 0 1 0 0 8
კანკია 18:47 0 3 3 0 1 0 6
კ. დამუსი 29:18 15 0 3 5 0 0 16
რ. დამუსი 12:20 4 0 2 0 0 1 6
ფაცაცია 35:42 6 1 5 5 2 1 12
არმია წთ მ პ ფ შ ჩ დ ქ
ბაბიაშვილი 25:41 8 0 2 0 0 1 13
ბოისა 36:24 9 1 1 2 1 0 11
ტუღუში 38:47 4 5 2 4 3 0 22
პირველაშვილი 13:04 2 0 2 0 1 0 5
ათანელიშვილი 14:55 2 0 2 1 2 0 4
შარაბიძე 34:46 8 1 4 0 1 1 14
ბ. ბერიშვილი 36:23 4 4 2 2 3 0 2
"არმიამ" დასახულ მიზანს მიაღწია - ფინალში გავიდა. "სოხუმი" მე-3 ადგილისთვის "ქუთაისთან" იბრძოლებს. ნახევარფინალების დასრულების შემდეგ ასე მშვიდად ლაპარაკი იოლია, მაგრამ 1/2 ფინალურმა სერიამ იმდენი ემოცია ჩაიტია, რომ ძნელი იყო, ის ნეიტრალურ ჟურნალისტსაც არ გადასდებოდა.
***
ემოცია
მაგრამ იცით, რა არის სამწუხარო? - ქვეყანაში, სადაც მსაჯებს დღესაც სცემენ, ამ საქმისთვის ხელის მოკიდება არავის სურს. ამიტომაა, სუპერლიგის პლეი ოფებს ორ-ორი მსაჯი რომ ემსახურება. არადა ნახევარფინალებში შარშან და შარშანწინ სამ-სამი მსაჯი იყო. თუმცა მეოთხედფინალში ტვინის შერყევა მიიღო მაკა კუპატაძემ და ამიტომ, სუპერლიგის მოქმედ კალათბურთელ, ირაკლი ბერიშვილს სთხოვეს ქუთაისში მსაჯობა. წლეულს, ალბათ, ფინანსური მდგომარეობის გამო უცხოელი არბიტრების მოწვევა ვერ მოხერხდა. თორემ, ერთ მატჩს სამი მსაჯი რომ უნდა სჯიდეს, ეს ყველას კარგად მოეხსენება.
როგორც შევიტყვეთ, წინასწარ ცნობილია, რომ ფინალურ სერიას სამი არბიტრი მოემსახურება. როგორც უნდა დასრულდეს ფინალები, ერთი რამ დღესვე ხმამაღლა უნდა ითქვას - მსაჯობა მისახედია!
***
ახლა დადებითზე. "არმიამ" სერია 3:1 მოიგო. კალათბურთელებმა ბოლომდე იბრძოლეს და მათი შრომის გაუფერულება იქნება, "სოხუმის" წაგება არბიტრებს დავაბრალოთ. ტუღუშმა, ბოისამ, ბაბიაშვილმა და მათმა თანაგუნდელებმა კიდევ ერთხელ დაამტკიცეს, რომ გამოცდილება კალათბურთში ბევრს წყვეტს, ასევე დაგვანახეს მაღალი კლასი (საქართველოს დონეზე). "არმია" სწორედ კლასის ხარჯზე გავიდა ფინალში, სადაც თსუ-ს დაუპირისპირდება.
***
"არმია"-"სოხუმის" ნახევარფინალურმა სერიამ მთავარი, რაც დაგვანახა კალათბურთში მწვრთნელის მნიშვნელობა იყო. ორჯერ სუსტი შემადგენლობის "სოხუმმა" არმიელებს სწორედ მწვრთნელის, აინარს ბაგაცკისის წყალობით გაუჩაღა თანაბარი ბრძოლა. ეს ახალგაზრდა ლატვიელი, შესაძლოა, ზოგჯერ მეტად ემოციურად რეაგირებდა მსაჯების მოქმედებაზე, მაგრამ მთავარია, ხუთ თვეში იმდენს მიაღწია, რომ მანამდე ინდივიდუალიზმის იმედზე მყოფი გუნდი მონოლითურ კოლექტივად შეკრა, ჯერ შსს ჩამოიტოვა, შემდეგ გაციელბით ძლიერ "არმიას" ფიცხელი ბრძოლა გაუჩაღა. საქართველოში ჩამოსვლისას ბაგაცკისი წუხდა, ერთი-ორი კალათბურთელის დამატების საშუალება რომ მქონდეს, სულ სხვა კალათბურთს ვითამაშებდითო, მაგრამ მის ხელთ არსებული რესურსით მაინც მაქსიმუმზე მეტს მიაღწია.
ვაჟა კვარაცხელია ("სოხუმის" მეორე მწვრთნელი): "კიდევ ერთხელ გამოჩნდა, რომ "სოხუმი" პლეი ოფს სათანადოდ მომზადებული შეხვდა. მთავარი მწვრთნელის მითითებით კალათბურთელებმა კარგად იშრომეს, რაც შსს-სთან მეოთხედფინალურ სერიაშიც გამოჩნდა და ნახევარფინალშიც. ბევრი ვიბრძოლეთ. მადლობის მეტი არაფერი გვეთქმის. მომავალი სეზონისთვის ლეგიონერებით გავძლიერდებით, ჩვენს ხელთ არსებული რესურსიდან საუკეთესოებს დავტოვებთ და მეტის მიღწევას ვეცდებით."
