5 ივლისს ესპანეთის ქალაქ ბარსელონაში ევროტურნირების, მათ შორის ევროჩელენჯის წილისყრა გაიმართება. მსგავსი ღონისძიებისადმი ქართველებს ბოლო წლებში დიდი ინტერესი არ გვქონია, რადგან ორი სეზონის საერთაშორისო არენაზე ერთი ქართული გუნდიც არ გასულა. ამჯერად კი ინტერესით უნდა დაველოდო წილისყრის შედეგებს, რადგან ევროჩელენჯის 2011-12 წლების გათამაშებაში ორი ქართული გუნდი იასპარეზებს - ქვეყნის ჩემპიონი "არმია" და ნახევარფინალისტი "სოხუმი". არმიელებმა გუშინ, 17 ივნისს თურქული შეკრება მოილიეს. შეკრების საკითხი სოხუმელებმაც გაარკვიეს. გუნდის პრეს-ცენტრის ხელმძღვანელმა თენგიზ პაჭკორიამ გვითხრა:
- 15 ივნისს რიგიდან დამიკავშირდა "სოხუმის" და ლატვიის ნაკრების მთავარი
თენგიზ პაჭკორიამ იქვე აღნიშნა:
- აინარს ბაგაცკისი და "სოხუმის" მფლობელი, უცხოეთში მყოფ მინდია გულუასთან აპირებენ გუნდში მოიწვიონ რამდენიმე გამოცდილი ქართველი კალათბურთელი და 5 ლეგიონერი, მათ შორის ამერიკელები. ბაგაცკისის თქმით, ბევრ ქართველ და უცხოელ კალათბურთელს სურს "სოხუმში" თამაში, მაგრამ საბოლოო გადაწყვეტილებას საკითხის ღრმა შესწავლის შემდეგ მიიღებენ.
გუშინ, კიდევ ერთი სიახლე შევიტყვეთ: გუნდთან ორწლიანი კონტარქტი გააფორმა ახალგაზრდა ვახტანგ ქადარიამ. მან ბოლო ორი სეზონი ამერიკის კოლეჯების ლიგაში გაატარა, მანამდე თბილისის "დინამოსა" და "სოხუმში" ასპარეზობდა.
ყოველდღიური სპორტული გაზეთი "ლელო"
