ევროჩელენჯზე მოასპარეზე ქართული კლუბების პარალელურად ძლიერდებიან სუპერლიგის სხვა წარმომადგენლებიც. როგორც შარშან, შსს-ს ხელმძღვანელობამ დროულად ჩამოიყვანა ამერიკელი უკანახაზელი და დიდი ხანია ჩემპიონატისთვის მზადებას შეუდგა.რობო კრეპსი - ეს გახლავთ ახალგაზრდა, სწრაფი უკანახაზელი, რომელიც შსს-ში სეზონის ბოლომდე ითამაშებს. მის გარდა ძალოვანთა გუნდში მივიდნენ: ილია ლონდარიძე (თსუ-დან), ნოდარ თენიეშვილი (სამედიცინოდან), აკაკი დვალიშვილი (სამედიცინოდან), აკაკი ლომოური (სტუ-დან), მერაბ ბოქოლიშვილი (აველინოდან, იტალია). ლონდარიძისა და კრეპსის გარდა ოთხივე კალათბურთელი გასულ ზაფხულს ევროპის ჩემპიონატის შესარჩევ ტურნირში საქართველოს ახალგაზრდული ნაკრების ღირსებას იცავდა. გუნდს კი შსს-ს თავკაცი დავით უსტიაშვილი
- ახალი სეზონის წინ რამდენიმე ახალგაზრდა დაგვემატა, რომლებიც შსს-ს სათანადოდ გააძლიერებენ. ისინი მზარდი კალათბურთელები არიან და ვიმედოვნებთ, რომ ამაში ჩემპიონატის მსვლელობისასაც დაგვარწმუნებენ, - გვითხრა გუნდის თავკაცმა დავით უსტიაშვილმა.
მას ამერიკელი ახალწვეულის დახასიათება ვთხოვეთ.
- რობო კრეპსი ახალგაზრდა, მონდომებული კალათბურთელია. დიდი ხანი არაა, რაც შემოგვიერთდა და კარგ შთაბეჭდილებას ტოვებს. შეუძლია როგორც გამთამაშებლის, ასევე მსროლელის ამპლუაში თამაში.
ახლა მათ შესახებ, ვინც გუნდში გასული სეზონის შემდეგ დარჩა. უკანახაზელთაგან შსს-ს ღირსებას იცავენ ბექა წივწივაძე, გიორგი ნიკოლაძე და ლექსო ლაფანაშვილი. წინა ხაზში კი ორი გამოცდილი კალათბურთელია - ჟულივეტ ტუჯანი და დავით იმნაძე. მათ ახალგაზრდა ახალწვეულებიც შეუერთდებიან და მივიღებთ საინტერესო გუნდს.
შსს 14 სექტემბრამდე მეორე მწვრთნელის, არჩილ ჟღენტის ხელმძღვანელობით ემზადებოდა, მას მერე კი ევრობასკეტიდან დავით უსტიაშვილი დაბრუნდა და საკლუბო საქმიანობას შეუდგა. გუნდი ამჟამად "დინამოს" ბაზაზე გადის ათდღიან შეკრებას, რომლის შემდეგაც დუდუ დადიანის მემორიალისთვის მზადებას განაგრძობს.
დავით უსტიაშვილს შსს-ს მიზნებზეც ვკითხეთ.
- ვიბრძოლებთ საპრიზო სამეულისთვის, რაც დიდ შრომას მოითხოვს. თუმცა საამისო რესურსი ჩვენს გუნდს გააჩნია. საერთოდ კი ჩვენი მიზანია თითოეულ მატჩში კარგი, დისციპლინირებული კალათბურთი ვუჩვენოთ და ეტაპობრივად ვიაროთ დასახული მიზნისკენ.
ვაჟა სიმონიშვილი
დოსიე
რობო კრეპსი
ფორსაიტი, ილინოისი (აშშ)
დაიბადა: 23.08.1988
სიმაღლე: 183 სმ.
ამპლუა: უკანახაზელი
კარიერა
ჯამი
წელი გუნდი წთ თამ. სრ. % 3ქ % 1ქ % მ პ დ ჩ ფ შ ქ
2007-08 ილინოისი 673 92-189 48.7 49-106 46.2 35-47 745 73 45 1 27 41 40 268
2008-09 ილინოისი 1011 132-299 44.1 54-133 40.6 63-75 840 94 47 0 35 39 45 381
2009-10 ილინოისი 1070 142-398 35.7 56-187 29.9 116-137 847 116 64 1 42 38 65 456
2010-11 ილინოისი 1190 167-400 41.8 71-197 36.0 84-106 792 131 90 2 42 51 76 489
საშუალოდ
წელი გუნდი წთ თამ. სრ. % 3ქ % 1ქ % მ პ დ ჩ ფ შ ქ
2007-08 ილინოისი 20.4 2.8-5.7 48.7 1.5-3.2 46.2 1.1-1.4 74.5 2.2 1.4 0.0 0.8 1.2 1.2 8.1
2008-09 ილინოისი 32.6 4.3-9.6 44.1 1.7-4.3 40.6 2.0-2.4 84.0 3.0 1.5 0.0 1.1 1.3 1.5 12.3
2009-10 ილინოისი 35.7 4.7-13.3 35.7 1.9-6.2 29.9 3.9-4.6 84.7 3.9 2.1 0.0 1.4 1.3 2.2 15.2
2010-11 ილინოისი 38.4 5.4-12.9 41.8 2.3-6.4 36.0 2.7-3.4 79.2 4.2 2.9 0.1 1.4 1.6 2.5 15.8
ყოველდღიური სპორტული გაზეთი "ლელო"
