დასრულდა 16-წლამდელთა ჩემპიონატის მორიგი ტურის ორი მატჩი, რომელიც რუსთავსა და ქუთაისში გაიმართა."რუსთავი 1"-მა საკუთარ მოედანზე "ავერსი 2" მიიღო და მეტოქე 132:34 გაანადგურა. მასპინძლებმა ყველა კომპონენტში აჯობეს მეტოქეს და იოლი გამარჯვება გაიფორმეს.
აღსანიშნავია, რომ ქვემოქართლელთა შემადგენლობაში ორმაგი დუბლით თავი ერთბაშად ოთხმა მოთამაშემ გამოიჩინა. დავით ბარამიძემ 26 ქულა და 17 მოხსნა დააგროვა, გიორგი გიგაურმა - 16 ქულა, 13 მოხსნა, 8 ჩაჭრა, დიმიტრი ჩიჩუამ - 17 ქულა, 13 შედეგიანი გადაცემა, ხოლო არჩილ ღვალაძის ანგარიშზე 19 ქულა და 11 მოხსნაა.
"ავერსის" გუნდში გამოირჩა
საინტერესო გამოდგა "ქუთაისისა" და "აკადემიის" დაპირისპირება, რომელიც მასპინძელთა 3-ქულიანი უპირატესობით, 60:57 დასრულდა. შეხვედრის საწყისი ათწუთეული "ქუთაისის" სასარგებლოდ წარიმართა, თუმცა მეორე მეოთხედში აკადემიელები გააქტიურდნენ და დიდი შესვენებისთვის მეტოქეს 2 ქულით გაასწრეს - 38:26.
მესამე პერიოდში "ქუთაისმა" არ დაუთმო მეტოქეს, შეძლო თამაშზე მობილიზება და 46:29 დაწინაურდა. დასკვნით მეოთხედში სტუმრებმა ქუთაისს ვეღარ აჯობეს და მარცხი განიცადეს.
" ქუთაისს" ულიდერა ირაკლი მაცაბერიძემ, რომელმაც 35 ქულა, 9 მოხსნა დააგროვა და მატჩის ბომბარდირი გახდა, ხოლო "აკადემიის" შემადგენლობაში ორმაგი დუბლით თავი რატი ნონიკაშვილმა გამოიჩინა, რომლის ანგარიშზეც 16 ქულა და 10 მოხსნაა.
u-16.ge
