გუშინ ახალი, არანაკლებ საინტერესო ინფორმაცია მოვიპოვეთ - "სოხუმი" სუპერლიგას ორი ამერიკელით შეხვდება. ათიოდე დღეში საქართველოში ჩამოვლენ ძმები რიჩარდ და კარლ დამუსები. ისინი ლაშა ფარღალავას ამხანაგები არიან, ამერიკის კოლეჯების ლიგიდან ესპანეთში ჩავიდნენ, სადაც ება-ს ლიგის წარმომადგენელ "კინტანარში" თამაშობდნენ. რიჩარდი 198 სმ სიმაღლისაა, კარლი - 202-ის. ამ უკანასკნელს ცენტრად თამაშის გამოცდილებაც აქვს.
მათ გარდა "სოხუმს" შეიძლება ლაშა ფარღალავაც დაემატოს, რომელიც შარშან "მონტანა სტეიტ ბილინგსის" ღირსებას ამერიკის კოლეჯების ლიგაში
- აქ ფინანსურად მძიმე მდგომარეობაა. ამიტომ "პალანგა" ყველა ლეგიონერმა დატოვა და უკრაინულ "დონეცკთან" მატჩს ძველი შემადგენლობიდან ხუთნი შევრჩით.
ფარღალავას თქმით, თუ "პალანგაში" არ დარჩა, ვიდრე სხვა გუნდს მოძებნის, "სოხუმს" შეუერთდება.
ახლა სოხუმელთა მთავარ მწვრთნელ ვაჟა კვარაცხელიას მოვუსმინოთ.
- სოხუმის უნივერსიტეტის სახელით საქართველოს ჩემპიონატში რამდენიმე წლის წინაც თამაშობდით. წლეულს თუ დაგაფინანსათ სასწავლებელმა?
- როცა სოხუმის უნივერსიტეტს ბატონი ოთარ ჟორდანია ხელმძღვანელობდა, გაჭირვების მიუხედავად საკალათბურთო კლუბს მაინც პატრონობდა. სასწავლებლის ამჟამინდელი უფროსობა კი გუნდის დაფინანსებაზე უარს აცხადებს.
- უმაღლეს ლიგაში გამოსვლაში ვინ გეხმარებათ?
- მოვძებნეთ სხვა წყარო, რომლის დახმარებითაც ფედერაციის ძველი დავალიანებაც გავისტუმრეთ და ახალი სეზონისთვისაც ვემზადებით.
- როდის შეიკრიბეთ და სად ვარჯიშობთ?
- წვრთნას ერთი კვირის წინ შევუდექით. დიღომში, "დინამოს" ბაზაზე ვემზადებით.
- იქნებ შემადგენლობა გაგვაცნოთ...
- მეორე მწვრთნელად დიმიტრი ჟაკობოვი იმუშავებს. გუნდში ვარჯიშობენ გიორგი კვეტენაძე, ირაკლი ჩლაიძე, ირაკლი სორდია, თემურ კანკია, ვანო აბულაძე, ნიკა გაბელია, გელა კოპალიანი. დაგვემატება ორი ტანმაღალი ამერიკელი და, ალბათ, ლაშა ფარღალავა, რომელიც ამჟამად ლიტვაშია. თუ ლაშა ვერ ჩამოვიდა, ერთ გამთამაშებელს ამერიკიდან ჩამოვიყვანთ.
- ორი უცხოელის დამატება გადაწყვეტილია?
- ისინი თვითმფრინავის ბილეთებს ელიან. დაახლოებით ათ დღეში შემოგვიერთდებიან.
- როგორი მოთამაშეები არიან?
- "სუპერები" არ არიან, თუმცა საქართველოს ჩემპიონატში ურიგოდ არ უნდა ითამაშონ.
- ახალ სეზონში რა იქნება გუნდის მიზანი?
- წინასწარ ვიტყვი - ჩემპიონობისთვის ვერ ვიბრძოლებთ, ხუთეულში მოხვედრას კი ვეცდებით. ჩვენი მთავარი ამოცანა ახალგაზრდა კალათბურთელებისთვის გამოცდილების მიცემა იქნება, რაშიც სუპერლიგის ძლიერ მეტოქეებთან თამაშიც დაეხმარებათ და ამერიკელებთან ვარჯიშიც.
ყოველდღიური სპორტული გაზეთი
"ლელო"
