შინაგან საქმეთა აკადემიის გუნდმა ნახევარფინალური სერიის მესამე მატჩში ქუთაისში იმარჯვა და საერთო ანგარიშით - 2:1 დაწინაურდა. მასპინძელთა გუნდი აღნიშნულ მატჩს დიდი ტკივილით შეხვდა.- დღეს, გამთენიისას გარდაიცვალა "ქუთაისის" ერთ-ერთი მწვრთნელი, წარსულში ცნობილი და სახელიანი კალათბურთელი გელა დარსაძე.
მატჩის შემდეგ თამაშის შესახებ კომენტარი ვერც ერთი გუნდის წევრმა ვერ გააკეთა. როგორც "ქუთაისის", ისე "შსს-აკადემიას" ხელმძღვანელებმა უდიდესი მწუხარება გამოთქვეს დარსაძის გარდაცვალების გამო.
შეხვერდას რაც შეეხება, ის აკადემიელთა აქტიურობით დაიწყო და გიორგის კეცელიდისის გუნდმა უპირატესობა მალევე მოიპოვა. პირველი მეოთხედის აკადემიელებმა 6 ქულით მოიგეს, დიდი
მესამე პერიოდში მასპინძლებმა თამაში ოდნავ გამოაკეთეს და გადამწყვეტი მეოთხედის წინ მცირე იმედი ჩაესახათ.
ქუთაისელებმა ათწუთეული 23:19 მოიგეს და ჩამორჩენა 12 ქულამდე შეამცირეს. დიდი მცდელობის მიუხედავად, მასპინძლებმა თამაშის შემოტრიალება ვეღარ მოახერხეს.
მაქსიმუმი რაც შეძლეს, ჩამორჩენა 10 ქულამდე - 71:81 შეამცირეს. საბოლოოდ აკადემიელებმა დამაჯერებლად - 89:73 იმარჯვეს და სერიაში 2:1 დაწინაურდნენ. მომდევნო შეხვედრა ხვალ, 12 მაისს, კვლავ ქუთაისში გაიმართება და გამარჯვების შემთხვევაში "შსს-აკადემია" ფინალში გავა.
გამარჯვებულთაგან ოთხივე ლეგიონერი გამოირჩა - დენოტა ვონმა 20 ქულა მოაგროვა, ბენჯამინ რეიმონდმა - 16, კირკ არჩიბექმა - 13 და ჩად პრევიტმა - 12. მასპინძელთაგან ყველაზე მეტი - 19 ქულა ჰქონდა გიორგი ბარბაქაძეს, ხოლო ზაურ ფაშაევმა, რომელმაც 2 დღის წინ წელი დაიზიანა და საავადმყოფოში აღმოჩნდა, გამოჯანმრთელება მოასწრო და ქუთაისელებს 12 ქულით შეეშველა.
ქუთაისი - შსს აკადემია 73:89
superleague.ge
